കൂത്താട്ടുകുളം: ക്രിസ്തുമസ് ദിനത്തില് വീട്ടമ്മയെയും പുരുഷനെയും വെട്ടി പരിക്കേല്പ്പിച്ച സംഭവത്തില് തിരുവനന്തപുരം പാലോട് സ്വദേശി അബ്ദുല് ഹക്കീമിനെ പൊലീസ് തെരയുന്നു.ഇലഞ്ഞി വാക്കണ്ടത്തി മലയിലെ വീട്ടില് വച്ചാണ് തിരുവനന്തപുരം സ്വദേശികളായ നെയ്യാറ്റിന്കര തിരുപ്പനം പെരുമവിളയില് ലാലി (53), സഹോദരന് എന്ന് പറയുന്ന കൃഷ്ണപിള്ള (64 ) എന്നിവര്ക്ക് വെട്ടേറ്റത്.ഗുരുതരമായി പരിക്കേറ്റ ഇവര് ചികിത്സയിലാണ്.
വാക്കണ്ടത്തി മലയിലെ വാടകവീട്ടില് കഴിഞ്ഞ് രണ്ടര മാസമായി താമസിച്ച് വരികയായിരുന്നു ലാലിയും കൃഷ്ണപിളളയും.റബര് മരം വെട്ടുന്നതിനായി എത്തിയെന്നാണ് പറഞ്ഞിരുന്നതെങ്കിലും നാട്ടില് പല പണികളും ഇവര് അന്വേഷിക്കുന്നുണ്ടായിരുന്നു.
ലാലിയും കൃഷ്ണപിള്ളയും സഹോദരങ്ങളാണെന്നാണ് പറഞ്ഞിരുന്നതെങ്കിലും അങ്ങനെ അല്ലെന്നാണ് വിവരം.ഇവരെ വെട്ടിയ അബ്ദുല് ഹക്കീം ആണ് ലാലിയുടെ ഭര്ത്താവെന്നാണ് അയല്വാസി പറഞ്ഞത്.എന്നാല് അബ്ദുല് ഹക്കീം ലാലിയുടെ ഭര്ത്താവല്ലെന്നും ആണ്സുഹൃത്താണെന്നും പറയുന്നുണ്ട്.ഹക്കീമും ലാലിയുമാണ് ദമ്പതികളാണെന്ന് പറഞ്ഞ് ഇവിടെ വീട് വാടകയ്ക്ക് എടുത്തതത്.
ക്രിസ്തുമസ് ദിനത്തില് രാത്രി 11 മണിയോടെ ലാലിയാണ് വെട്ടേറ്റ് അയല് വാസിയുടെ വീട്ടിലേക്ക് ഓടി എത്തിയത്. കഴുത്തില് ആഴത്തിലുള്ള മുറിവ് ഉണ്ടായിരുന്നു. അല്പസമയം കഴിഞ്ഞ് കൃഷ്ണപിള്ളയും അവിടേക്ക് ചോര ഒലിപ്പിച്ച് എത്തി. അയല് വാസികള് പൊലീസിനെ വിളിച്ചതോടെ അബ്ദുല് ഹക്കീം അവിടെ നിന്ന് മുങ്ങി. പഞ്ചായത്ത് മെമ്പറുടെ വാഹനത്തിലാണ് വെട്ടേറ്റവരെ ആശുപത്രിയില് എത്തിച്ചത്.
ലാലിക്ക് മന്ത്രവാദം അടക്കം ജ്യോതിഷം അറിയാമെന്നും ആദ്യ ഭര്ത്താവിനെ ഉപേക്ഷിച്ചാണ് അബ്ദുല് ഹക്കീമിന്റെ കൂടെ കൂടിയതെന്നും ചിലര് പറയുന്നു. ഇവരുടെ പെരുമാറ്റത്തിലും മറ്റും സംശയം തോന്നിയതിനാല് അയല് വാസികള് അടുപ്പം കാണിച്ചിരുന്നില്ല. ഇരുവരും കോട്ടയം മെഡിക്കല് കോളേജില് ചികിത്സയിലാണ്. വിരലടയാള വിദഗ്ധര് സ്ഥലത്തെത്തി പരിശോധന നടത്തി.
