മലയാളിയുടെ പ്രിയ താരമാണ് മമ്മൂട്ടി. കുറച്ച് നാളത്തെ വിശ്രമത്തിനു ശേഷമാണ് താരം സിനിമയിലേയ്ക്ക് മടങ്ങി എത്തുന്നത് . ഇപ്പോഴിതാ ഒരു പൊതുപരിപാടിയിൽ പങ്കെടുക്കുന്ന താരത്തിന്റെ ചിത്രമാണ് വൈറലാകുന്നത് . മമ്മൂട്ടിയുടെ മടിയിൽ ഒരു കുസൃതിക്കുടുക്കയും ഇരിപ്പുണ്ട്. അതാരാണെന്ന ചോദ്യമാണ് സോഷ്യൽ മീഡിയയിൽ ഇപ്പോൾ ഉയരുന്നത് .
ദിവ്യ എസ് അയ്യർ ഐപിഎസിന്റെയും കോൺഗ്രസ് നേതാവ് ശബരിനാഥിന്റെയും പുത്രൻ മൽഹാറിനാണ് മമ്മൂട്ടിയുടെ മടിയിലിരിക്കാനുള്ള ഭാഗ്യം ലഭിച്ചത് . ”ആനന്ദ തേനിമ്പ തേരിൽ ഞാനീ…” എന്ന ക്യാപ്ഷനോടെയാണ് ദിവ്യ എസ് അയ്യർ ചിത്രം പങ്ക് വച്ചത്.
മകൻ മൽഹാർ, മമ്മൂട്ടിയുടെ മടിയിൽ ഇരിക്കുകയും ഇരുവരും തമ്മിൽ വിശേഷങ്ങൾ പറയുന്നതുമെല്ലാം പകർത്തിയിട്ടുണ്ട്. വളരെ വിലപ്പെട്ട നിമിഷങ്ങൾ എന്നാണ് ചിത്രങ്ങൾക്ക് ദിവ്യ എസ് അയ്യർ ഹാഷ്ടാഗ് നൽകിയിരിക്കുന്നത്.
പപ്പയുടെ സ്വന്തം അപ്പൂസ് , ആ കുഞ്ഞിന്റെ എക്കാലത്തെയും ഭാഗ്യം എന്നൊക്കെയാണ് ചിത്രത്തിന് വരുന്ന കമന്റുകൾ.
