തിരുവനന്തപുരം:കാട്ടാക്കടയിലെ സ്വര്ണക്കവര്ച്ചയില് പ്രത്യേക സംഘം അന്വേഷണം തുടങ്ങി. കാട്ടാക്കട സിഐയുടെ നേതൃത്വത്തില് ഉളള ഏഴംഗ സംഘമാണ് അന്വേഷണം നടത്തുന്നത്.
അടുത്തിടെ ജയിലില് നിന്നിറങ്ങിയ മോഷണക്കേസ് പ്രതികളെ കേന്ദ്രീകരിച്ചാണ് അന്വേഷണം. ക്രിസ്തുമസ് ആഘോഷത്തിന് വീട്ടുകാര് പള്ളിയില് പോയിരിക്കെ 70 പവനില് അധികം സ്വര്ണം മോഷണം പോയെന്നാണ് പരാതി.
കവര്ച്ച നടന്ന വീട്ടില് ഒരാഴ്ചയ്ക്കിടെ എത്തിയവരുടെ വിവരങ്ങള് ശേഖരിച്ച് , ഇവരെ വിളിച്ചുവരുത്തി മൊഴി എടുക്കും.
കാട്ടക്കട കാട്ടക്കോട് സ്വദേശി ഷൈന് കുമാറിന്റെ വീട്ടിലാണ് കഴിഞ്ഞ ദിവസം വൈകുന്നേരം 6 മണിക്കും രാത്രി 9 മണിക്കും ഇടയില് മോഷണം നടന്നത്. വീട്ടുകാര് സമീപത്തെ പള്ളിയില് ആയിരിക്കെ വീടിന്റെ പൂട്ടു തകര്ത്ത് അകത്ത് കടന്ന മോഷ്ടാക്കള് 60 പവനോളം സ്വര്ണം കവര്ന്നു. ഷൈന് കുമാറിന്റെ ഭാര്യയുടെയും സഹോദരിയുടെയും സ്വര്ണാഭരണങ്ങളാണ് നഷ്ടപ്പെട്ടത്.
സംഭവത്തെ തുടര്ന്ന് കാട്ടക്കട പൊലീസ് സ്ഥലത്തെത്തി പരിശോധന നടത്തി. വിരലടയാള വിദഗ്ധരും ഡോഗ് സ്ക്വാഡും ഉള്പ്പെടെ അന്വേഷണം ഊര്ജിതമാക്കിയിട്ടുണ്ട്.
