കണ്ണൂര്:തലശേരി നഗരസഭ ചെയര്മാനായി ഫസല് വധക്കേസ് പ്രതി കാരായി ചന്ദ്രശേഖരന് സത്യപ്രതിജ്ഞ ചെയ്തു.53 അംഗ കൗണ്സിലില് 32 വോട്ട് നേടിയാണ് ഫസല് വധക്കേസില് ജാമ്യത്തില് കഴിയുന്ന ചന്ദ്രശേഖരന് തെരഞ്ഞെടുക്കപ്പെട്ടത്.കേസില് എട്ടാം പ്രതിയാണ് കാരായി ചന്ദ്രശേഖരന്.
കേസില് ഗൂഢാലോചന കുറ്റത്തിന് അറസ്റ്റിലായ കാരായി രാജനും കാരായി ചന്ദ്രശേഖരനും 2013 മുതല് ജാമ്യത്തിലാണ്. 2015 ലും ചന്ദ്രശേഖരന് തലശേരി നഗരസഭ അധ്യക്ഷനായെങ്കിലും ജാമ്യവ്യവസ്ഥ പ്രകാരം ജില്ലയില് പ്രവേശിക്കാനാകാതെ വന്നു.കൗണ്സിലില് പങ്കെടുക്കാന് കഴിയാതെ വന്നതോടെ അന്ന് രാജിവച്ചു.
സിബിഐ അന്വേഷിച്ച ഫസല് വധക്കേസില് വിധി വരും മുമ്പാണ് ചന്ദ്രശേഖരനെ വീണ്ടും സിപിഎം നഗരസഭ അധ്യക്ഷന് ആക്കിയത്. സിപിഎം പ്രവര്ത്തകനെ കൊലപ്പെടുത്താന് ശ്രമിച്ചെന്ന കേസില് ജയിലിലായതിനാല് ബാലം ഡിവിഷനിലെ ബിജെപി കൗണ്സിലര് പ്രശാന്ത് ഇന്ന് സത്യപ്രതിജ്ഞയ്ക്ക് എത്തിയില്ല.പയ്യന്നൂര് നഗരസഭയിലെ സിപിഎം കൗണ്സിലര് വികെ നിഷാദും പൊലീസിനെ വധിക്കാന് ശ്രമിച്ച കേസില് ജയിലിലാണ്.
