ധാക്ക: മഹുമ്മദ് യൂനസിന്റെ നേതൃത്വത്തിലുള്ള ബംഗ്ലാദേശിലെ സര്ക്കാര് ന്യൂനപക്ഷക്കാരായ ഹിന്ദുക്കളെ കത്തിച്ച് കൊല്ലുകയാണെന്ന് മുന് ബംഗ്ലാദേശ് പ്രധാനമന്ത്രി ഷേഖ് ഹസീന. ഈ ഇരുണ്ടകാലം അധികനാള് തുടരാന് ബംഗ്ലാദേശ് സമ്മതിക്കില്ലെന്നും ഷേഖ് ഹസീന പ്രത്യാശിച്ചു.
ഇന്ത്യയില് കഴിയുന്ന അവര് തന്റെ ക്രിസ്മസ് സന്ദേശത്തിലാണ് ഇക്കാര്യം പറഞ്ഞത്. വിവരിക്കാന് പറ്റാത്തത്രയും ക്രൂരമായ പീഢനങ്ങളാണ് ഈ സര്ക്കാര് ന്യൂനപക്ഷങ്ങളോട് ചെയ്യുന്നതെന്നും ഷേഖ് ഹസീന പറഞ്ഞു.
ദീപു ചന്ദ്രദാസ് എന്ന 25കാരനായ യുവാവിനെ അടിച്ചുകൊന്ന ശേഷം കത്തിച്ച സംഭവവും ഷേഖ് ഹസീന വിവരിച്ചു. ന്യൂനപക്ഷസമുദായത്തിലെ യുവാവിനെ അടിച്ചുകൊന്ന് കത്തിക്കുന്ന സംഭവം ഇതുവരെ നടക്കാത്ത സംഭവമാണെന്നും അവര് ചൂണ്ടിക്കാട്ടി.
