തിരുവനന്തപുരം:മാവോവാദികള് ഉന്മൂലനത്തിന്റെ ഭീഷണി നേരിടുമ്പോള് മാതൃഭൂമി പത്രത്തിന് ദുഖം. ഇനി അവശേഷിക്കുന്ന ഒരേയൊരു മാവോയിസ്റ്റ് നേതാവായി നിലനില്ക്കുന്നത് ദേവ്ജി മാത്രമാണെന്നാണ് മാതൃഭൂമി സങ്കടപ്പെടുന്നത്.
മാവോയിസ്റ്റ് മുക്ത ഭാരതം കെട്ടിപ്പടുക്കാനുള്ള ശ്രമത്തിലാണ് മോദി സര്ക്കാര്. 2026 മാര്ച്ചോടെ മാവോയിസ്റ്റുകളെ ഉന്മൂലനം ചെയ്യാനാണ് പദ്ധതി. വിവിധ ഭാഗങ്ങളില് നടക്കുന്ന ഏറ്റുമുട്ടലുകളില് നിരവധി നക്സലുകള് കൊല്ലപ്പെട്ടിരുന്നു.
മാവോയിസ്റ്റ് പ്രസ്ഥാനങ്ങളുടെ ഭീഷണി മൂലം രാജ്യത്ത് ഗോത്രമേഖലയില് ഉള്പ്പെടെ വികസനം വഴിമുട്ടിനില്ക്കുന്ന സ്ഥിതിയാണ്. ഗോത്രവര്ഗ്ഗക്കാരുടെ ദാരിദ്യ്രം മുതലെടുത്ത് മതപരിവര്ത്തനം മുതല് പല വിധ ചൂഷണങ്ങള്ക്കും മാവോയിസ്റ്റ് സ്വാധീനം മറയാക്കുന്ന സ്ഥിതിയുമുണ്ട്. ഇതെല്ലാം അവസാനിപ്പിച്ച് ഇന്ത്യയുടെ എല്ലാ ഭാഗങ്ങളിലേക്കും വികസനം എത്തിക്കുകയാണ് മോദി സര്ക്കാരിന്റെ ലക്ഷ്യം. സമൂഹത്തിന്റെ പൊതുനന്മ ലക്ഷ്യമാക്കിയുള്ള കേന്ദ്രസര്ക്കാരിന്റെ നീക്കം വിജയത്തിന്റെ വക്കില് എത്തിനില്ക്കുമ്പോഴാണ് ഇനി ദേവ്ജി എന്ന നക്സലൈറ്റ് നേതാവ് മാത്രമേ ബാക്കിയുള്ളൂ എന്ന രീതിയില് മാതൃഭൂമി പത്രത്തിന്റെ നിലവിളി.
