തിരുവനന്തപുരം: ഏഴ് ദിവസത്തെ കേരള സന്ദര്ശനത്തിനായി തിരുവനന്തപുരത്തെത്തിയ അഖിലഭാരതീയ വനവാസി കല്യാണാശ്രമം അധ്യക്ഷന് സത്യേന്ദ്ര സിങ്ങിന് കേരള വനവാസി വികാസ കേന്ദ്രം വിമാനത്താവളത്തില് ഊഷ്മള വരവേല്പ് നല്കി. 29 വരെയാണ് സന്ദര്ശനം. ഇന്ന് തിരുവനന്തപുരം അഗസ്ത്യ കുടീരം ബാലികാ സദനത്തിന്റെ രജതജൂബിലി ആഘോഷത്തിലും 28ന് കോഴിക്കോട്ട് സംസ്ഥാന കാര്യാലയം ഭാസ്കര് റാവു സേവാമന്ദിരത്തിന്റെ തറക്കല്ലിടല് ചടങ്ങിലും അദ്ദേഹം മുഖ്യാതിഥിയായി പങ്കെടുക്കും.
കേരള വനവാസി വികാസ കേന്ദ്രം സംസ്ഥാന പ്രസിഡന്റ് എം.പി. ജയദീപ്, ജനറല് സെക്രട്ടറി കെ.എസ്. ശ്രീകുമാര്, സംഘടനാ സെക്രട്ടറി എ. നാരായണന്, തിരുവനന്തപുരം മഹാനഗറര് മഹിളാ പ്രമുഖ് കലാമണി, വൈസ് പ്രസിഡന്റ് മധു, അഗസ്ത്യ കുടീരം ബാലികാ സദനം കമ്മിറ്റി പ്രസിഡന്റ് രാധാകൃഷ്ണന്, സുധീര്, പ്രകാശ്, അജയന് എന്നിവരും സത്യേന്ദ്ര സിങ്ങിനെ സ്വീകരിക്കുവാന് എത്തിയിരുന്നു.
