കട്ടി കുറഞ്ഞ മല്ലിയില അരിഞ്ഞെടുക്കാൻപോലും പറ്റാത്ത കത്തിയാണ് അടുക്കളയിൽ ഉള്ളതെങ്കിൽ എന്ത് കാര്യം? അടുക്കളയിൽ ഏറ്റവും അധികം ഉപയോഗമുള്ള ഒന്നാണ് കത്തിയും കത്രികയും. മൂർച്ച കുറയും തോറും പുത്തൻ കത്തികൾ വാങ്ങിക്കൂട്ടുന്നതിനു പകരം പഴയവ പുനരുപയോഗിക്കാൻ ചില പൊടിക്കൈകൾ അറിഞ്ഞിരിക്കാം.
അലുമിനിയം ഫോയിൽ ഷീറ്റ് മടക്കി കത്തിയുടെ മൂർച്ച കൂട്ടേണ്ട ഭാഗം അതിൽ ഉരസാം. സാൻഡ് പേപ്പർ ഉപയോഗിച്ചും ഇങ്ങനെ കത്തിക്ക് മൂർച്ച കുട്ടാം. ബ്ലേഡ്, ഗ്ലാസ് ജാർ എന്നിവയും ഇത്തരത്തിൽ ഉപയോഗിക്കാവുന്നതാണ്. പോളിഷ് ചെയ്യാത്ത സെറാമിക് മഗ്ഗിന്റെ അടിഭാഗത്ത് ഉരസുന്നത് കത്തിയുടെ മൂർച്ച കൂട്ടുന്നതിനുള്ള ലളിതമായ മാർഗമാണ്.
കറുത്ത മഷി പുരട്ടിയ പേപ്പറിന് മുകളിൽ കത്തി ഉരസുക . കാർബണിന്റെ സാന്നിധ്യം കാരണം കറുത്ത മഷി ഒരു നേർത്ത പോളിഷ് പോലെ പ്രവർത്തിക്കുന്നു, കൂടാതെ അതിലെ ഗ്രിറ്റ് കത്തിയുടെ മൂർച്ച കൂട്ടും.
കത്തിയുടെ മൂർച്ച കുറയാതിരിക്കാനുള്ള പൊടിക്കൈകൾ
കത്തി ഉപയോഗിച്ച് ഉടൻ കഴുകി തുടച്ച് വയ്ക്കാം. കത്തിയിൽ നനവില്ലാതിരിക്കാൻ ശ്രദ്ധിക്കാം.
പച്ചക്കറികളും മറ്റും അരിയാൻ ഗ്രാനൈറ്റ്, അലുമിനിയം, സ്റ്റെയിൻലെസ് സ്റ്റീൽ തുടങ്ങിയ ലോഹ പ്രതലങ്ങൾക്ക് പകരം മരം അല്ലെങ്കിൽ പ്ലാസ്റ്റിക് പോലുള്ള കട്ടിംഗ് ബോർഡ് ഉപയോഗിക്കാം.
പേപ്പർ, പ്ലാസ്റ്റിക്ക് എന്നിവ മുറിക്കാൻ അടുക്കളയിൽ വച്ചിരിക്കുന്ന കത്തി ഉപയോഗിക്കരുത്.
