ന്യൂദല്ഹി:അംബാനിയും അദാനിയും ഉല്പാദനക്കമ്പനികളല്ലെന്നും വെറും വ്യാപാരം മാത്രം നടത്തുന്ന കമ്പനികളാണെന്ന് രാഹുല്ഗാന്ധി ജര്മ്മനിയില് പറഞ്ഞു. പക്ഷെ രാഹൂല് ഗാന്ധിയുടെ ഈ ആനമണ്ടത്തരത്തിനെതിരെ വ്യാപകമായ പ്രതികരണങ്ങളാണ് പുറത്തുവരുന്നത്.
നാല് തവണ എംപിയായ ഒരാള്ക്ക് അദാനിയും അംബാനിയും ഇന്ത്യയില് എന്താണ് ചെയ്യുന്നതെന്ന് അറിഞ്ഞുകൂടേ എന്നാണ് ബിസിനസ് വിദഗ്ധര് ചോദിക്കുന്നത്. കാരണം എത്രയോ ദശകങ്ങളായി ഉല്പാദന രംഗത്തുള്ള കമ്പനികളാണ് അംബാനിയുടേയും അദാനിയുടേയും കമ്പനികള്. രാജ്യത്തിന്റെ എബിസിഡി അറിയാത്ത ആളാണോ പ്രതിപക്ഷനേതാവായിരിക്കുന്നതെന്നും ചോദ്യം ഉയരുകയാണ്.
.ഗ്രീന് എനര്ജി (സോളാര് പിവി, വിന്ഡ് ടര്ബൈനുകള്, ഗ്രീന് ഹൈഡ്രജന് എന്നിവ അദാനി എത്രയോ കാലമായി ഉല്പാദിപ്പിക്കുന്നു. അടിസ്ഥാനസൗകര്യങ്ങള് കെട്ടിപ്പൊക്കാന് ഉപയോഗിക്കുന്ന സിമന്റ്, ചെമ്പ്, പിവിസി എന്നിവ അദാനി ഉല്പാദിപ്പിക്കുന്നുണ്ട്. ഉപഭോക്തൃ ഉല്പന്നങ്ങളായ ഭക്ഷ്യ എണ്ണകളും ഫുഡ് പ്രൊഡക്ടറ്റുകളും അദാനി നിര്മ്മിച്ചുവരുന്നു. ഇതിന് പുറമെ ഈയിടെ ആരംഭിച്ചതാണ് പ്രതിരോധ, എയ് റോസ്പേസ് രംഗത്ത് അദാനി ആരംഭിച്ച ബിസിനസ്.
ഇനി അംബാനിയുടെ കാര്യം എടുക്കാം. അംബാനിയടെ ജാം നഗറിലും ഹസീറയിലും ഉള്ള എണ്ണ ശുദ്ധീകരണശാലയില് പോളിമറുകള്, പോളിസ്റ്ററുകള്, കെമിക്കലുകള്, സിന്തറ്റിക് റബര്, ടെക് സ്റ്റൈല് ഉല്പന്നങ്ങള് എന്നിവ ഉല്പാദിപ്പിക്കുന്നുണ്ട്. ഉപഭോക്തൃ ഉല്പന്നങ്ങളും അംബാനി നിര്മ്മിച്ചുവരുന്നു.
സത്യങ്ങള് ഇതായിരിക്കേ എല്ലാം അറിയുന്ന പണ്ഡിതനെപ്പോലെ ആധികാരികമായി മണ്ടത്തരം പറയുന്ന രാഹുല് ഗാന്ധിയുടെ വീഡിയോ കാണുമ്പോള് പാര്ട്ടിയിലെ ഉപദേശകള് പോലും രാഹുല് ഗാന്ധിയെ മണ്ടനാക്കുകയാണോ എന്ന് ആരും സംശയിച്ചുപോകും.
