തിരുവനന്തപുരം:ഇന്ത്യ- ശ്രീലങ്ക വനിതാ ടി20 പരമ്പരയിലെ അവസാന മൂന്ന് മത്സരങ്ങള്ക്കായി ഇന്ത്യന് വനിതാ ക്രിക്കറ്റ് ടീം ബുധനാഴ്ച കേരളത്തിലെത്തും.ഡിസംബര് 26, 28, 30 തീയതികളില് കാര്യവട്ടം സ്പോര്ട്സ് ഹബ് ഗ്രീന്ഫീല്ഡ് ഇന്റര്നാഷണല് സ്റ്റേഡിയത്തിലാണ് മത്സരങ്ങള്.
അഞ്ച് മത്സര പരമ്പരയിലെ നിര്ണായകമായ മൂന്നു മത്സരങ്ങളാണ് ഗ്രീന്ഫീല്ഡ് ഇന്റര്നാഷണല് സ്റ്റേഡിയത്തില് നടക്കുന്നത്.ബുധനാഴ്ച വൈകുന്നേരം 5.40ന് പ്രത്യേക വിമാനത്തില് ടീമുകള് എത്തും.വഴുതക്കാട് ഹയാത്ത് റീജന്സിയിലാണ് താമസ സൗകര്യം ഏര്പ്പെടുത്തിയിരിക്കുന്നത്.
25ന് ഉച്ചയ്ക്ക് രണ്ടു മുതല് അഞ്ചുമണിവരെ ശ്രീലങ്കന് ടീമും വൈകുന്നേരം ആറു മുതല് രാത്രി ഒമ്പതു വരെ ഇന്ത്യന് ടീമും ഗ്രീന്ഫീല്ഡ് സ്റ്റേഡിയത്തില് പരിശീലനം നടത്തും.
