കൊച്ചി: ആലുവയിലെ നടന് ദിലീപിന്റെ വീട്ടില് മാധ്യമപ്രവര്ത്തകര് അനധികൃതമായി ഡ്രോണ് പറത്തിയെന്ന് ആരോപിച്ച് സഹോദരി പൊലീസില് പരാതി നല്കി. നടിയെ ആക്രമിച്ച കേസില് വിധി വന്ന ദിവസമായിരുന്നു സംഭവം.
ദിലീപ് വീട്ടില് നിന്ന് കോടതിയിലേക്ക് പോകുന്നതും മടങ്ങി വരുന്നതുമായ ദൃശ്യങ്ങള് മാധ്യമങ്ങള് ഡ്രോണ് ഉപയോഗിച്ച് ചിത്രീകരിച്ച് ടെലികാസ്റ്റ് ചെയ്തതിലാണ് പരാതി.ഇതു തങ്ങളുടെ സ്വകാര്യത ലംഘിച്ചെന്ന് എസ്.ജയലക്ഷ്മി സുരാജ് ആലുവ എസ് എച്ച് ഓയ്ക്ക് നല്കിയ പരാതിയില് പറയുന്നു.
ഡ്രോണ് ഉപയോഗിച്ച് സ്ത്രീകളുടെയും കുട്ടികളുടെയും സ്വകാര്യ ദൃശ്യങ്ങള് പകര്ത്തിയെന്നും പരാതിയില് പറയുന്നു. വീട്ടിലുളളവരുടെ സമ്മതമോ മുന്കൂര് അനുമതിയോ ഇല്ലാതെയാണ് ഡ്രോണ് പ്രവര്ത്തിപ്പിച്ചത്. ഇത് സ്വകാര്യതയുടെ നഗ്നമായ ലംഘനമാണെന്നും പരാതിയില് പറയുന്നു.
