മുംബൈ: അദാനിയുടെ ഉടമസ്ഥതയിലുള്ള വിവിധ സിമന്റ് കമ്പനികളെ ലയിപ്പിച്ച് കരുത്തുറ്റ ഒരൊറ്റ ബ്രാന്ഡാകാന് അദാനി. അദാനിയുടെ ഉടമസ്ഥതയിലുള്ള അംബുജ സിമന്റ്സിലേക്ക് അദ്ദേഹത്തിന്റെ തന്നെ ഓറിയന്റ് സിമന്റ്സ്, എസിസി സിമന്റ്സ് എന്നീ കമ്പനികള് ലയിക്കും.
ഇതോടെ അംബുജ സിമന്റ്സ് ഇന്ത്യയിലെ പ്രമുഖ സിമന്റ് ബ്രാന്റുകളില് ഒന്നായി മാറും. ബിര്ളയുടെ അള്ട്രാടെക് ആണ് ഇതുപോലെയുള്ള ഒരു വമ്പന് സിമന്റ് ബ്രാന്റ്. ഇതോടെ അള്ട്രാടെകും അംബുജയും തമ്മിലുള്ള മത്സരം വിപണിയില് തീ പാറുന്ന ഒന്നായി മാറും.
ഇതോടെ എസിസിയുടെ 100 ഓഹരികള് കൈവശമുള്ളവര്ക്ക് അംബുജയുടെ 328 ഓഹരികള് ലഭിക്കും. ഓറിയന്റ് സിമന്റ്സിന്റെ 100 ഓഹരികള് കൈവശമുള്ളവര്ക്ക് അംബുജയുടെ 33 ഓഹരികള് നല്കും. ഒരൊറ്റ ബ്രാന്റായി മാറിയാല് ബ്രാന്റിങ്ങ് എളുപ്പമാക്കാനും പുതിയ വിപണികളിലേക്ക് എളുപ്പം പ്രവേശിക്കാനും ഉല്പാദനശേഷി വര്ധിപ്പിക്കാനും കഴിയുമെന്ന് കമ്പനി കണക്കുകൂട്ടുന്നു.
ഇനി വൈകാതെ അദാനിയുടെ ഉടമസ്ഥതയിലുള്ള പെന്ന, സംഘി എന്നീ മറ്റ് രണ്ട് സിമന്റ് കമ്പനികളെക്കൂടി അംബുജ സിമന്റ്സില് ലയിപ്പിക്കാനാണ് അദാനി ലക്ഷ്യമിടുന്നത്.
