മുംബൈ: ബംഗ്ലാദേശി ഹിന്ദു യുവാവായ ദീപു ദാസിന്റെ കൊലപാതകത്തിൽ ആശങ്ക പ്രകടിപ്പിച്ച് ബോളിവുഡ് നടി രവീണ ടണ്ടൻ. ഈ വിഷയത്തിൽ അവർ ശക്തമായ പ്രതികരണം നടത്തി. ദീപു ദാസിനെ പരസ്യമായി തൂക്കിലേറ്റുന്ന ഭയാനകമായ വീഡിയോ സോഷ്യൽ മീഡിയയിൽ വൈറലായതോടെ സിനിമ മേഖലയിലുടനീളമുള്ള ആളുകൾ ഇതിന അപലപിച്ചു. ഇക്കൂട്ടത്തിൽ പ്രമുഖയാണ് രവീണ ടണ്ടൻ.
ദീപു ദാസിന്റെ കൊലപാതകത്തിൽ രവീണ ടണ്ടന്റെ പ്രതികരണം
ചിലർ ഇപ്പോഴും ഈ കൊലപാതകങ്ങളെ ന്യായീകരിക്കും എന്ന് നടി രവീണ ടണ്ടൻ സോഷ്യൽ മീഡിയ പ്ലാറ്റ്ഫോമായ എക്സിൽ പോസ്റ്റ് ചെയ്തു. ബംഗ്ലാദേശിൽ കൊലപ്പെടുത്തിയ ഹിന്ദു യുവാവിനെതിരെ ദൈവനിന്ദയ്ക്ക് തെളിവുകളൊന്നും കണ്ടെത്തിയിട്ടില്ലെന്ന് വ്യക്തമാക്കുന്ന ഒരു സ്ക്രീൻഷോട്ടും അവർ തന്റെ പോസ്റ്റിൽ പങ്കിട്ടു.
അതേ സമയം ബംഗ്ലാദേശി ഹിന്ദുവായ ദീപു ദാസ് ബംഗ്ലാദേശിലെ മൈമെൻസിംഗിലാണ് കൊല്ലപ്പെട്ടത്. അദ്ദേഹം ജോലി ചെയ്തിരുന്ന ഫാക്ടറിയിൽ നിന്ന് ജനക്കൂട്ടം ദീപുവിനെ പിടികൂടി ക്രൂരമായി മർദ്ദിച്ചു. തുടർന്ന് കഴുത്തിൽ കയർ കെട്ടി തെരുവിന്റെ നടുവിൽ തൂക്കിലേറ്റി. സംഭവത്തിന്റെ വീഡിയോകളിൽ കലാപകാരികൾ ദിപുവിന്റെ ശരീരത്തിൽ തല്ലുന്നത് കാണാം. തുടർന്ന് അദ്ദേഹത്തിന്റെ ശരീരം കെട്ടി തൂക്കി കത്തിക്കുകയായിരുന്നു.
