തിരുവനന്തപുരം: കേന്ദ്ര സഹായത്തോടെ നടപ്പാക്കി വരുന്ന സബ് മിഷന് ഓണ് അഗ്രികള്ച്ചറല് മെക്കനൈസേഷന് (കാര്ഷിക യന്ത്രവല്ക്കരണ ഉപ പദ്ധതി) പദ്ധതിക്കു കീഴില് കാര്ഷിക യന്ത്രങ്ങളും, ഉപകരണങ്ങളും, വിളവെടുപ്പാനന്തര, വിളസംസ്കരണ, മൂല്യ വര്ദ്ധിത പ്രവര്ത്തനങ്ങള്ക്കാവശ്യമായ ഉപകരണങ്ങളും യന്ത്രങ്ങളും സബ്സിഡിയോടെ നല്കുന്നു. ഇതനുസരിച്ച് വ്യക്തിഗത ഗുണഭോക്താക്കള്ക്ക് 40% മുതല് 50% വരെയും കര്ഷകരുടെ കൂട്ടായ്മകള്, എസ്.എച്ച്.ജി കള്, എഫ്.പി.ഒ കള്, വ്യക്തികള്, പഞ്ചായത്തുകള് തുടങ്ങിയവയ്ക്ക് കാര്ഷിക യന്ത്രങ്ങളുടെ വാടക കേന്ദ്രങ്ങള് സ്ഥാപിക്കുന്നതിന് പദ്ധതി തുകയുടെ 40% സാമ്പത്തിക സഹായവും, യന്ത്രവല്ക്കരണ തോത് കുറവായ പ്രദേശങ്ങളില് യന്ത്രവല്ക്കരണം പ്രോല്സാഹിപ്പിക്കുന്നതിന് ഫാം മെഷിനറി ബാങ്കുകള് സ്ഥാപിക്കുന്നതിന് കര്ഷക ഗ്രൂപ്പുകള്ക്ക് 30 ലക്ഷം രൂപയുടെ പദ്ധതിക്ക് പരമാവധി 80% എന്ന നിരക്കില് 24 ലക്ഷം രൂപയും സാമ്പത്തിക സഹായം അനുവദിക്കുന്നു. എഫ്.ആര്.എ പട്ടയുള്ള ഗുണഭോക്താക്കള്ക്ക് എല്ലാ ക്യാറ്റഗറികളിലും 30% വരെ ആനുകൂല്യങ്ങള് ലഭ്യമാണ്.
2025-2026 സാമ്പത്തിക വര്ഷത്തിലെ അപേക്ഷകള് ഓണ്ലൈനായി ഡിസംബര് 31 മുതല് http://agrimachinery.nic.in/index എന്ന വെബ്സൈറ്റ് മുഖേന നല്കാം. പദ്ധതിയെക്കുറിച്ചുള്ള കൂടുതല് വിവരങ്ങള്ക്കും അപേക്ഷിക്കുന്നതിനുള്ള സഹായങ്ങള്ക്കും ജില്ലകളിലെ കൃഷി അസിസ്റ്റന്റ് എക്സിക്യൂട്ടീവ് എഞ്ചിനീയറുടെ കാര്യാലയവുമായോ, ആലപ്പുഴ, കോഴിക്കോട് എന്നിവിടങ്ങളിലെ കൃഷി എക്സിക്യൂട്ടിവ് എഞ്ചിനിയറുടെ കാര്യാലയവുമായോ, സ്ഥലത്തെ കൃഷിഭവനുമായോ, 9495516968, 9539363952, 9544724960 എന്നീ ഫോണ് നമ്പറുകളിലോ, ഇ-മെയില് മുഖേനയോ ബന്ധപ്പെടാം.
