തിരുവനന്തപുരം: പോലീസ് ട്രെയിനിംഗിലൂടെ മികച്ച പരിശീലനം ലഭിച്ചിട്ടുള്ള അസിസ്റ്റന്റ് മോട്ടോര് വെഹിക്കിള് ഇന്സ്പെക്ടര്മാര് അച്ചടക്കവും സത്യസന്ധതയും മുഖമുദ്രയാക്കണമെന്ന് ഗതാഗത വകുപ്പ് മന്ത്രി കെ.ബി. ഗണേഷ് കുമാര് അഭിപ്രായപ്പെട്ടു. തിരുവനന്തപുരം പോലീസ് ട്രെയിനിംഗ് കോളേജില് നടന്ന മോട്ടോര് വാഹന വകുപ്പ് അസിസ്റ്റന്റ് മോട്ടോര് വെഹിക്കിള് ഇന്സ്പെക്ടര്മാരുടെ പാസിംഗ് ഔട്ട് പരേഡില് അഭിവാദ്യം സ്വീകരിച്ച് സംസാരിക്കുകയായിരുന്നു അദ്ദേഹം.
യൂണിഫോം സേനയ്ക്ക് അച്ചടക്കം നിര്ബന്ധമാണെന്നും ഇത് ഔദ്യോഗിക ജീവിതത്തോടൊപ്പം വ്യക്തിജീവിതത്തിലും ഉദ്യോഗസ്ഥര് തുടരണം. ജനങ്ങളോടുള്ള പെരുമാറ്റം എപ്പോഴും മാന്യമായിരിക്കണം. സാമ്പത്തിക ക്രയവിക്രയങ്ങള് നടക്കുന്ന വകുപ്പെന്ന നിലയില് ഉദ്യോഗസ്ഥര് പ്രത്യേക ശ്രദ്ധ പുലര്ത്തണം. ഭയമില്ലാതെ സത്യസന്ധമായി ജോലി ചെയ്യാനുള്ള സാഹചര്യം നിലവില് ഉദ്യേഗസ്ഥര്ക്കുണ്ടെന്ന് മന്ത്രി പറഞ്ഞു.
കെ.എസ്.ആര്.ടി.സി ഇന്ന് പൂര്ണ്ണമായും ഡിജിറ്റലായി മാറി. കമ്പ്യൂട്ടര് രംഗത്ത് ഗതാഗത വകുപ്പ് ഇനിയും മുന്നേറാനുണ്ട്. ഗതാഗത നിയമലംഘനങ്ങളുടെ ഫോട്ടോയും വീഡിയോയും കൈകാര്യം ചെയ്യുന്നതുള്പ്പെടെയുള്ള എല്ലാ കാര്യങ്ങളും കൂടുതല് ലളിതമാക്കി. പുതിയ നിയമനങ്ങളെല്ലാം ആദ്യം ഓഫീസുകളിലായിരിക്കും നല്കുകയെന്നും ഇത് ഓഫീസ് പ്രവര്ത്തനങ്ങള് കൃത്യമായി മനസ്സിലാക്കാന് ഉദ്യോഗസ്ഥര് സഹായിക്കുമെന്നും മന്ത്രി പറഞ്ഞു. മോട്ടോര് വെഹിക്കിള് ഇന്സ്പെക്ടര്മാരുടെ ഒഴിവുകള് വരുന്ന മുറയ്ക്ക് നിയമനം വേഗത്തിലാക്കി. ജനങ്ങളുടെ പിന്തുണയാണ് വകുപ്പിന്റെ കരുത്തെന്നും മന്ത്രി പറഞ്ഞു.
അച്ചടക്കം നിര്ബന്ധം, പെരുമാറ്റം മാന്യമായിരിക്കണം: പുതിയ അസി. മോട്ടോര് വെഹിക്കിള് ഇന്സ്പെക്ടര്മാരോട് മന്ത്രി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.