ശബരിമല: സന്നിധാനത്തിന് സമീപം തീര്ഥാടന പാതയില് കാട്ടാന എത്തി.വൈകിട്ട് അഞ്ച് മണിയോടെ ആയിരുന്നു സന്നിധാനത്തിനും ശരംകുത്തിക്കും മധ്യേ കാട്ടാന ഇറങ്ങിയത്.
പതിനെട്ടാംപടി കയറാന് ക്യൂ നില്ക്കുന്ന ഷെഡിലേക്ക് കയറുന്ന ഭാഗത്തായിരുന്നു മോഴ ആന എത്തിയത്.ഉടന് തന്നെ പൊലീസ് ജീപ്പ് റോഡ് തുടങ്ങുന്ന ഭാഗത്തും മരക്കൂട്ടത്തും തീര്ഥാടകരെ തടഞ്ഞു.
തുടര്ന്നു ഫോറസ്റ്റ് കണ്ട്രോള് റൂമില് പൊലീസ് വിവരം അറിയിച്ചു. വനപാലകരെത്തി ആന സന്നിധാനത്തേക്ക് ഇറങ്ങാതെ നോക്കി. കാട്ടിലേക്ക് കയറ്റി വിടാന് നാല് തവണ പടക്കം പൊട്ടിച്ചു. യു ടേണില് നിന്ന് ചന്ദ്രാനന്ദന് റോഡിലേക്ക് ആനയെ ഇറക്കി ബാരിക്കേഡ് പൊളിച്ച് കാട്ടിലേക്ക് ഇറക്കുകയായിരുന്നു.
