കുട്ടികള്ക്ക് വിദ്യാഭ്യാസം നല്കാത്ത മാതാപിതാക്കള് അവരോട് ക്രൂരത ചെയ്യുന്നവരാണെന്ന് ചാണക്യന്. മൗര്യസാമ്രാജ്യസ്ഥാപകനായ ചന്ദ്രഗുപ്തമൗര്യന്റെ ഉപദേശകനായ ചാണക്യന് പ്രമുഖ രാഷ്ട്രമീമാംസ വിദഗ്ധനാണ്. ഇദ്ദേഹം ജീവിതത്തില് നല്കുന്ന ഉപദേശങ്ങള് കാലാതിവര്ത്തിയാണ്.
കുട്ടികള്ക്ക് വിദ്യാഭ്യാസം നല്കാത്ത മാതാപിതാക്കള് ആ കുട്ടികളുടെ ശത്രുക്കള്ക്ക് തുല്യമാണ്. നിരക്ഷരനായ ഒരു കുട്ടിയെയും പണ്ഡിതന്മാര് നല്ലവരായി കണക്കാക്കില്ല. അവര്ക്ക് അവജ്ഞ മാത്രമേ ലഭിക്കൂ.- ചാണക്യന് പറയുന്നു.
മനുഷ്യരൂപത്തില് ആകുന്നതുകൊണ്ട് ഒരാള് ബുദ്ധിമാനാകുന്നില്ല. ബുദ്ധിമാനാകാന് വിദ്യാഭ്യാസം ആവശ്യമാണ്.- ചാണക്യന് നിരീക്ഷിക്കുന്നു. എല്ലാ മനുഷ്യരുടെയും ആകൃതി, രൂപം, വലിപ്പം എന്നിവ ഒരുപോലെയാണ്. അവരുടെ വ്യത്യാസം അവരുടെ അറിവില് മാത്രമാണ് കാണപ്പെടുന്നത്. – ചാണക്യന് പറയുന്നു.
വെളുത്ത ഹംസങ്ങള്ക്കിടയില് ഇരിക്കുന്ന കൊക്ക് ഒരു ഹംസമല്ലാത്തതു പോലെ , നിരക്ഷരനായ ഒരാള് വിദ്യാസമ്പന്നരുടെ ഇടയില് നല്ലവനായി കാണപ്പെടുന്നില്ല. -ചാണക്യന് പറയുന്നു.
