പാലക്കാട്: വാളയാറില് ആള്ക്കൂട്ട മര്ദ്ദനത്തില് മരിച്ച റാം നാരായണ് ബഗേലിന്റെ മൃതദേഹം ഏറ്റെടുക്കില്ലെന്ന് കുടുംബം.25 ലക്ഷം രൂപ നഷ്ടപരിഹാരം നല്കണം. പട്ടികജാതി പട്ടികവര്ഗ നിയമപ്രകാരം കേസെടുക്കണമെന്നും കുടുംബം ആവശ്യപ്പെട്ടു.തൃശൂര് മെഡിക്കല് കോളേജ് മര്ച്ചറിയില് എത്തി കുടുംബാംഗങ്ങള് മൃതദേഹം കണ്ടു.
അതിനിടെ കൊലപാതകം നടന്ന് നാലുദിവസം കഴിഞ്ഞിട്ടും സര്ക്കാര് നഷ്ടപരിഹാരം പ്രഖ്യാപിച്ചിട്ടില്ലെന്ന് കോണ്ഗ്രസ് നേതാക്കള് പറഞ്ഞു. അടിയന്തരമായി നഷ്ടപരിഹാരം പ്രഖ്യാപിക്കാത്ത സര്ക്കാര് നിലപാട് അംഗീകരിക്കാനാകില്ല.
നാരായണ് ദളിത് വിഭാഗത്തില് ഉള്പ്പെടുന്ന ആളാണ്.കൊലപാതകത്തില് ഉള്പ്പെട്ടവര്ക്കെക്കെതിരെ നടപടിയെടുക്കുന്നതിലും പൊലീസിന് ഗുരുതര വീഴ്ചയുണ്ടായെന്ന് ആരോപണമുണ്ട്. കേസ് പ്രത്യേക സംഘം അന്വേഷിക്കണമെന്നും ആവശ്യമുണ്ട്.
വാളയാര് അട്ടപ്പളത്താണ് ആള്ക്കൂട്ട മര്ദനം നടന്നത്. മോഷ്ടാവെന്ന് സംശയിച്ചാണ് ആള്ക്കൂട്ടം ഛത്തീസ്ഗഡ് സ്വദേശി രാം നാരായണനെ മര്ദിച്ചത്. ഇക്കഴിഞ്ഞ ബുധനാഴ്ച ഉച്ച തിരിഞ്ഞ് മൂന്നുമണിക്കാണ് സംഭവം.
കഞ്ചിക്കോട് കിംഫ്രയില് ജോലി തേടിയാണ് ഛത്തീസ്ഗഡ് സ്വദേശിയായ രാമനാരായണന് ഒരാഴ്ച മുമ്പ് പാലക്കാട് എത്തിയത്.
