ഇടുക്കി: കെട്ടിടം ക്രമവല്ക്കരിച്ച് നല്കുന്നതിനായി 50,000 രൂപ കൈക്കൂലി വാങ്ങിയ പഞ്ചായത്ത് ഓവര്സിയര് വിജിലന്സ് പിടിയിലായി.
ഇടുക്കി ഉടുമ്പന്ചോല പഞ്ചായത്തില് അഡീഷണല് ചാര്ജ്ജുള്ള പാമ്പാടുംപാറ പഞ്ചായത്ത് ഓവര്സിയര് സേനാപതി നാരുവെള്ളിയില് എച്ച്. വിഷ്ണുവിനെയാണ് പിടികൂടിയത്.
ഉടുമ്പന്ചോല ചതുരംഗപ്പാറയിലെ അനീഷ്കുമാറിന്റെ സ്ഥലത്തം കടമുറി വിപുലീകരണത്തിന് അപേക്ഷ നല്കിയിരുന്നു. അധികമായി നിര്മിക്കുന്ന ഭാഗം ക്രമവല്ക്കരിക്കാന് വിഷ്ണു 50,000 രൂപ കൈക്കൂലി ആവശ്യപ്പെട്ടു.പണം ആവശ്യപ്പെട്ട വിവരം അനീഷ്കുമാര് ഇടുക്കി വിജിലന്സ് ഡിവൈഎസ്പിയെ അറിയിച്ചു. അദ്ദേഹം നിര്ദ്ദേശിച്ച പ്രകാരം പണം കൈമാറുമ്പോഴാണ് പിടികൂടിയത്.
