ഇസ്ലാമബാദ് : പാകിസ്ഥാന് ക്രിക്കറ്റ് ക്യാപ്റ്റനായിരുന്ന ജാവേദ് മിയാന്ദാദും ബോളിവുഡ് സൂപ്പര്താരമായിരുന്ന വിനോദ് ഖന്നയും നടി രേഖയും പാകിസ്ഥാനിലെ ലാഹോറില് 1989ല് നൃത്തം ചെയ്യുന്ന വീഡിയോ വൈറലായി ഇപ്പോള് സമൂഹമാധ്യമങ്ങളില് പ്രചരിക്കുന്നതിന് ഒരു കാരണമുണ്ട്. ഈയിടെ പുറത്തിറങ്ങിയ പാകിസ്ഥാന്റെ മുഖംമൂടികള് പറിച്ചെറിയുന്ന ‘ധുരന്ധര്’ എന്ന സിനിമയിലും ഈ രംഗം കാണാം. ബോളിവുഡും പാകിസ്ഥാനിലെ അധോലോകവും തമ്മിലുള്ള ബന്ധം തുറന്നുകാണിക്കുന്ന സംഭവമായിരുന്നു ഇത്. ഒരു ധനസമാഹരണ പരിപാടിയുടെ ഭാഗമായാണ് വിനോദ് ഖന്നയും നടി രേഖയും ക്രിക്കറ്റ് താരം മിയാന്ദാദിനൊപ്പം പാകിസ്ഥാനിലെ ലാഹോറില് പോയി നൃത്തം ചെയ്തത്.
അക്കാലത്ത് ബോളിവുഡും പാകിസ്ഥാനിലെ അധോലോകവും തമ്മിലുള്ള ബന്ധം വ്യക്തമാക്കുന്ന സംഭവമായിരുന്നു ഇത്. അതുകൊണ്ടാണ് ധുരന്ധര് എന്ന സിനിമയിലും ഈ രംഗം സംവിധായകന് ആദിത്യ ധര് ചേര്ത്തിരിക്കുന്നത്. ക്രിക്കറ്റ് താരം ജാവേദ് മിയാന്ദാദും അധോലോക രാജാവ് ദാവൂദ് ഇബ്രാഹിമും തമ്മില് അടുത്ത ബന്ധമുണ്ട്. ജാവേദ് മിയാന്ദാദിന്റെ മകനാണ് പിന്നീട് ദാവൂദ് ഇബ്രാഹിമിന്റെ മകളെ വിവാഹം ചെയ്തത്.
ദാവൂദ് ഇബ്രാഹിമാണ് അക്കാലത്ത് ബോളിവുഡിനെ അടക്കിഭരിച്ചിരുന്നത്. ആര് സിനിമകള് നിര്മ്മിക്കണം, ആരൊക്കെ അതില് നായകനും നായികയും ആകണം തുടങ്ങിവയെല്ലാം നിയന്ത്രിച്ചിരുന്നത് ദാവൂദ് ഇബ്രാഹിമിന്റെ നേതൃത്വത്തിലുളള സംഘമാണ്. പല നടിമാരെയും ഇവര് ഉപയോഗിക്കുകയും ചെയ്തിരുന്നു. അവര്ക്ക് കീഴ്വഴങ്ങി നില്ക്കുന്ന നടിമാരെ മാത്രമാണ് അവര് അഭിനയിപ്പിച്ചിരുന്നത്. ഖാന്മാര് ബോളിവുഡ് അടക്കിഭരിച്ചത് ഇക്കാലത്താണ്.
ബോളിവുഡും പാക് അധോലോകവും തമ്മിലുള്ള അഭേദ്യബന്ധമാണ് ജാവേദ് മിയാന്ദാദും വിനോദ് ഖന്നയും രേഖയും നൃത്തം ചെയ്യുന്നതിലൂടെ പുറത്തുവരുന്നത്. ആദിത്യ ധര് സംവിധാനം ചെയ്ത വന് വിജയം നേടി പ്രദര്ശനം തുടരുന്ന ‘ധുരന്ധര്’ എന്ന സിനിമയിലും ഈ രംഗങ്ങള് കാണാം. ഈ സിനിമയിലൂടെ പാകിസ്ഥാന്റെ മുഖംമൂടികളാണ് തുറന്നുകാട്ടുന്നത്. പാകിസ്ഥാന്റെ രഹസ്യാന്വേഷണ ഏജന്സി, തീവ്രവാദസംഘങ്ങള്, അധോലോകസംഘങ്ങള് എന്നിവ എത്രമാത്രം ഇന്ത്യയെ അടക്കിഭരിച്ചിരുന്നു എന്ന് കാണിച്ചുതരുന്നതാണ് ‘ധുരന്ധര്’.
