കൊൽക്കത്ത: മലയാള സിനിമയിൽ നായക-ഇതിവൃത്ത സങ്കല്പങ്ങളെ പൊളിച്ചെഴുതിയ ബഹുമുഖപ്രതിഭയായിരുന്നു ശ്രീനിവാസനെന്ന് ബംഗാൾ ഗവർണർ സി.വിആനന്ദബോസ് അനുസ്മരിച്ചു.
ആനുകാലിക സാമൂഹിക വിഷയങ്ങൾ മുൻവിധികളില്ലാതെ വിശകലനം ചെയ്തും തിന്മകൾക്കെതിരെ നർമത്തിൽ ചാലിച്ച കൂരമ്പുകളെയ്തും മലയാളികളെ ചിരിപ്പിക്കുകയും ചിന്തിപ്പിക്കുകയും ചെയ്ത ശ്രീനിവാസന്റെ വിയോഗം മലയാളികൾക്ക് ഉൾക്കൊള്ളാനാവാത്തതാണെന്ന് അനുശോചനസന്ദേശത്തിൽ ഗവർണർ പറഞ്ഞു.
