മുംബൈ: നിയമവിരുദ്ധ വാതുവെപ്പ് ആപ്പുമായി ബന്ധപ്പെട്ട കള്ളപ്പണം വെളുപ്പിക്കല് കേസില് ഇന്ത്യന് ക്രിക്കറ്റ് താരങ്ങളായ യുവരാജ് സിംഗ്, റോബിന് ഉത്തപ്പ, അഭിനേതാക്കളായ ഉര്വശി റൗട്ടേല, സോനു സൂദ്, മുന് ടിഎംസി എംപി മിമി ചക്രവര്ത്തി, നടി നേഹ ശര്മ്മ, ബംഗാളി നടന് അങ്കുഷ് ഹസ്ര, റൗട്ടേലയുടെ അമ്മ എന്നിവരുടെ 7.9 കോടി രൂപയുടെ സ്വത്തുക്കള് ഇഡി കണ്ടുകെട്ടി .
ഈ കള്ളപ്പണം വെളുപ്പിക്കല് കേസില് 1,000 കോടിയിലധികം രൂപയുടെ ഇടപാടാണ് നടന്നതെന്ന് വാര്ത്താ ഏജന്സി റിപ്പോര്ട്ടു ചെയ്യുന്നു.
കണ്ടുകെട്ടിയതില് സോനു സൂദിന്റെ ഒരു കോടി രൂപ , മിമി ചക്രവര്ത്തിയുടെ 59 ലക്ഷം, യുവരാജ് സിങ്ങിന്റെ 2.5 കോടി, ശര്മ്മയുടെ 1.26 കോടി, ഉത്തപ്പയുടെ 8.26 ലക്ഷം, ഹസ്രയുടെ 47 ലക്ഷം , റൗട്ടേലയുടെ അമ്മയുടെ 2.02 കോടി എന്നിവ ഉള്പ്പെടുന്നു.
‘നിയമവിരുദ്ധമായ ഓഫ്ഷോര് വാതുവെപ്പ് പ്ലാറ്റ്ഫോമായ 1x bet ന്റെ നടത്തിപ്പുകാര്ക്കെതിരെ വിവിധ സംസ്ഥാന പോലീസ് ഏജന്സികള് രജിസ്റ്റര് ചെയ്ത ഒന്നിലധികം എഫ്ഐആറുകളുടെ അടിസ്ഥാനത്തില് ഇഡി അന്വേഷണം ആരംഭിച്ചിട്ടുണ്ട്.
