വഡോദര: 19 വയസ്സില് താഴെയുള്ളവര്ക്കായുള്ള കൂച്ച് ബെഹാര് ട്രോഫിയില് കേരളത്തിനെതിരെ രണ്ടാം ഇന്നിങ്സില് ബറോഡ മികച്ച സ്കോറിലേക്ക്. രണ്ടാം ദിവസം കളി നിര്ത്തുമ്പോള് ഒരു വിക്കറ്റിന് 196 റണ്സെന്ന നിലയിലാണ് ബറോഡ. നേരത്തെ കേരളത്തിന്റെ ആദ്യ ഇന്നിങ്സ് 136 റണ്സിന് അവസാനിപ്പിച്ച ബറോഡ 87 റണ്സിന്റെ ലീഡ് സ്വന്തമാക്കിയിരുന്നു. ഇതുള്പ്പടെ ബറോഡയ്ക്ക് ഇപ്പോള് 283 റണ്സിന്റെ ലീഡുണ്ട്.
നാല് വിക്കറ്റിന് 50 റണ്സെന്ന നിലയില് രണ്ടാം ദിവസം ബാറ്റിങ് തുടങ്ങിയ കേരളത്തിന് വേണ്ടി ഹൃഷികേശും ക്യാപ്റ്റന് മാനവ് കൃഷ്ണയും മാത്രമാണ് അല്പമെങ്കിലും പിടിച്ചു നിന്നത്. മറ്റുള്ളവര് കാര്യമായ ചെറുത്തുനില്പ് പോലുമില്ലാതെ കീഴടങ്ങിയതാണ് കേരളത്തിന് തിരിച്ചടിയായത്. ഒന്പത് റണ്സെടുത്ത ഇഷാന് കുനാലിന്റെ വിക്കറ്റാണ് കേരളത്തിന് ആദ്യം നഷ്ടമായത്. തുടര്ന്ന് ആറാം വിക്കറ്റില് ഒത്തു ചേര്ന്ന ഹൃഷികേശും മാനവ് കൃഷ്ണയും ചേര്ന്ന് 53 റണ്സ് കൂട്ടിച്ചേര്ത്തു. എന്നാല് വെറും ഒരു റണ് കൂട്ടിച്ചേര്ക്കുന്നതിനിടെ നാല് വിക്കറ്റുകള് നഷ്ടമായതോടെ കേരളത്തിന്റെ ഇന്നിങ്സ് തകര്ന്നടിഞ്ഞു. ഹൃഷികേശ് 51-ഉം മാനവ് കൃഷ്ണ 31-ഉം റണ്സ് നേടി പുറത്തായപ്പോള് മൊഹമ്മദ് ഇനാനും അഭിനവ് കെ വിയും അക്കൗണ്ട് തുറക്കാതെ മടങ്ങി. അവസാന വിക്കറ്റില് ദേവഗിരിയും ആഷ്ലിനും ചേര്ന്ന 18 റണ്സ് കൂട്ടുകെട്ടാണ് കേരളത്തിന്റെ സ്കോര് 136ല് എത്തിച്ചത്. ബറോഡയ്ക്ക് വേണ്ടി ഹേത് പട്ടേല് മൂന്നും അമാഹിദ, ഗൗരവ്, കേശവ് വാര്കെ എന്നിവര് രണ്ട് വിക്കറ്റ് വീതവും വീഴ്ത്തി.
തുടര്ന്ന് രണ്ടാം ഇന്നിങ്സില് ബാറ്റിങ്ങിന് ഇറങ്ങിയ ബറോഡയ്ക്ക് രണ്ടാം ഓവറില് തന്നെ ഓപ്പണര് പൃഥ്വീ ഒഡേദ്രയുടെ വിക്കറ്റ് നഷ്ടമായി. ആറ് റണ്സെടുത്ത പൃഥ്വി റണ്ണൗട്ടാവുകയായിരുന്നു. എന്നാല് രണ്ടാം വിക്കറ്റില് ഒത്തു ചേര്ന്ന ക്യാപ്റ്റന് സ്മിത് രഥ്വയും വിശ്വാസും ചേര്ന്നുള്ള കൂട്ടുകെട്ട് ബറോഡയെ ശക്തമായ നിലയിലെത്തിച്ചു. കളി നിര്ത്തുമ്പോള് വിശ്വാസ് 118-ഉം സ്മിത് 67-ഉം റണ്സുമായി പുറത്താകാതെ നില്ക്കുകയാണ്. 14 ബൗണ്ടറിയും മൂന്ന് സിക്സും അടങ്ങുന്നതായിരുന്നു വിശ്വാസിന്റെ ഇന്നിങ്സ്.
