കൊച്ചി : കിഫ്ബി മസാല ബോണ്ടിലെ ഇ ഡി നോട്ടീസ് റദ്ദാക്കണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന് ഹൈക്കോടതിയില് ഹര്ജി നല്കി.കിഫ്ബി ചെയര്മാന് എന്ന നിലയിലാണ് മുഖ്യമന്ത്രിക്ക് കാരണം കാണിക്കല് നോട്ടീസ് അയച്ചത്.മസാലബോണ്ട് വഴി സമാഹരിച്ച പണം ഭൂമി വാങ്ങാന് ഉപയോഗിച്ചത് ഫെമ ചട്ടലംഘനമാണെന്ന് ആരോപിച്ചാണ് ഇ ഡി മുഖ്യമന്ത്രി അടക്കമുള്ളവര്ക്ക് നോട്ടീസ് അയച്ചത്.
എന്നാല് ഫെമ നിയമലംഘനം നടത്തിയിട്ടില്ലെന്നാണ് മുഖ്യമന്ത്രിയുടെ വാദം. ഇ ഡി സ്പെഷല് ഡയറക്ടറുടെ കാരണം കാണിക്കല് നോട്ടിസ് റദ്ദാക്കണമെന്ന് ആവശ്യപ്പെട്ട് കഴിഞ്ഞ ദിവസം കിഫ്ബി കോടതിയെ സമീപിച്ചിരുന്നു.
അടിസ്ഥാന സൗകര്യ വികസനത്തിനായി ഭൂമി ഏറ്റെടുത്തത് റിയല് എസ്റ്റേറ്റ് പ്രവര്ത്തനമല്ലെന്നാണ് കിഫ്ബി വാദം. നോട്ടീസ് അയച്ചത് പ്രാഥമിക നടപടിയുടെ ഭാഗമാണെന്ന് ഇ ഡി പറഞ്ഞെങ്കിലും സ്റ്റേചെയ്യണമെന്ന കിഫ്ബിയുടെ ആവശ്യം കോടതി അംഗീകരിച്ചു.
