കൊച്ചി: വൃഷഭ എന്ന് സിനിമ എനിക്ക് വേണ്ടി എഴുതിയ കഥ അല്ല. ഞാൻ അതിലെ ഒരു കഥാപാത്രമായി മാറുകയായിരുന്നുവെന്ന് നടൻ മോഹൻലാൽ. കൊച്ചിയിൽ ട്രൈലർ റിലീസ് ചടങ്ങിൽ സംസാരിക്കുകയായിരുന്നു നടൻ.
നന്ദകിഷർ എന്നോട് കഥ പറഞ്ഞപ്പോൾ തന്നെ എനിക്ക് ഇഷ്ടപ്പെട്ടു. ഒരുപാട് സമയം എടുത്താണ് ചിത്രം ഷൂട്ട് ചെയ്തത്. ചെറിയ സിനിമ അല്ല. എന്നാൽ ഇതിൽ അഭിനയിച്ചിരിക്കുന്നവരിൽ പലരും മലയാളികൾക്ക് പരിചിതമായ മുഖങ്ങളല്ല. സംവിധായകനിൽ എനിക്ക് നല്ല വിശ്വാസമുണ്ട്, ഇതൊരു നല്ല കഥയാണ് അതുകൊണ്ടാണ് ഞാൻ ചിത്രത്തിൽ അഭിനയിച്ചത്.
ഒരു സാധാരണ സനിമയല്ല വൃക്ഷഭ. സാധാരണ കാണാത്ത ആക്ഷൻ സീനുകൾ ഉണ്ടെന്ന് മോഹൻലാൽ പറഞ്ഞു. സമർജിത് ലങ്കേഷ്, രാഗിണി ദ്വിവേദി, നയൻ സരിക, അജയ്, നേഹ സക്സേന എന്നിവരും ഈ ചിത്രത്തിൽ അഭിനയിക്കുന്നുണ്ട്. പുനർ ജന്മത്തിന്റെ കഥയിലൂടെ രണ്ടു കലഘട്ടങ്ങളിലൂടെ ആണ് ചിത്രം കടന്നു പോകുന്നത്. ചിത്രത്തിൽ മോഹൻലാൽ യോദ്ധാവായും ആധുനിക കാലത്തെ ബിസിനസുകാരനായും രണ്ട് വ്യത്യസ്ത ഗെറ്റപ്പുകളിലാണ് പ്രത്യക്ഷപ്പെടുന്നത്.
അതിശയിപ്പിക്കുന്ന ആക്ഷൻ രംഗങ്ങളും യുദ്ധമുറകളും കഴിഞ്ഞ ദിവസം പുറത്തിറങ്ങിയ ട്രെയിലറിലുണ്ട്. യോദ്ധാവെന്ന നിലയിലുള്ള തന്റെ പവർഫുൾ പ്രകടനം ലാൽ ഇതിലൂടെ കാഴ്ചവെക്കുന്നു. ആക്ഷനൊപ്പം പുരാണവും പ്രതികാരവും പ്രണയവും ചേർന്ന ഒരു ദൃശ്യവിരുന്നാണ് ചിത്രത്തിന്റെ ട്രൈയിലറിൽ നിന്ന് വ്യക്തമാണ്.
കണക്ട് മീഡി, ബാലാജി ടെലിഫിലിംസ്, അഭിഷേക് എസ് വ്യാസ് സ്റ്റുഡിയോസ് എന്നിവയുടെ ബാനറിൽ ശോഭാ കപൂർ, എക്ത ആർ കപൂർ, അഭിഷേക് എസ്. സി.കെ.പത്ഭകുമാർ, വരുൺ മാത്തൂർ, സൗരഭ് മിശ്ര പ്രവീർ സിങ്, വിശാൽ ഗുർനാനി,ജൂഹി പരേഖ്, മെഹ്ത്ത എന്നിവരാണ് ചിത്രം നിർമ്മിക്കുന്നത്.
