ന്യൂദല്ഹി: രാഹൂല് ഗാന്ധിയുടെ അദാനീ വിരോധം വെറും ഷോ മാത്രമാണെന്ന് തെളിഞ്ഞു. ഈയിടെ എന്സിപി നേതാവ് ശരത് പവാറിന്റെ ദല്ഹിയിലെ വസതിയില് നടന്ന ജന്മദിനാഘോഷച്ചടങ്ങില് ഗൗതം അദാനി പങ്കെടുത്തിരുന്നു. ആ ചടങ്ങില് രാഹുല് ഗാന്ധിയും പങ്കെടുത്തിരുന്നു. എന്ന് മാത്രമല്ല, ഫോട്ടോ എടുക്കരുതെന്ന് കര്ശനമായി വിലക്കിയ ശേഷം രാഹുലും അദാനിയും ഷേക്ക് ഹാന്ഡ് നല്കിയതായാണ് റിപ്പോര്ട്ടുകള്. രാഹുല് ഗാന്ധിയുടെ മുഖം മൂടിയാണ് ഇതോടെ അഴിഞ്ഞുവീണത്. .
അതിന് ശേഷം കഴിഞ്ഞ ദിവസം ഹൈദരാബാദില് നടന്ന മെസ്സിയുടെ പരിപാടിയില് രാഹുല് ഗാന്ധിയും പങ്കെടുത്തിരുന്നു. തെലുങ്കാനയിലെ കോണ്ഗ്രസ് മുഖ്യമന്ത്രി രേവന്ത് റെഡ്ഡിയുടെ നിര്ദേശപ്രകാരമാണ് രാഹുല് ഗാന്ധിയെ മെസ്സിയുടെ പരിപാടിയിലേക്ക് എത്തിച്ചത്. പക്ഷെ ഈ പരിപാടിയുടെ മുഖ്യസ്പോണ്സറില് ഒരാള് അദാനിയായിരുന്നു. അദാനി സ്പോണ്സര് ചെയ്ത പരിപാടിയില് രാഹുല് ഗാന്ധി പങ്കെടുത്തു എന്നത് വലിയ വാര്ത്തയായി പ്രചരിച്ചിരുന്നു.
ഇതോടെ രാഹുല് ഗാന്ധിയുടെ അദാനീവിരോധം വെറും ഷോ മാത്രമാണെന്ന് തെളിഞ്ഞിരിക്കുകയാണ്. 2024ല് രാഹുല് ഗാന്ധി ഹിന്ഡന്ബര്ഗ് റിസര്ച്ച് പ്രസിദ്ധീകരിച്ച റിപ്പോര്ട്ടിന്റെ പേരിലും എല്ഐസി അദാനിയുടെ വിവിധകമ്പനികളുടെ ഓഹരികളില് പണം നിക്ഷേപിച്ചതിന്റെ പേരിലും അദാനിയ്ക്കെതിരെ വിരല് ചൂണ്ടിയിരുന്നു.. അതേ സമയം കോണ്ഗ്രസ് ഭരിയ്ക്കുന്ന സംസ്ഥാനങ്ങളിലെല്ലാം അദാനിയുടെ പണം സ്പോണ്സര്ഷിപ്പായും സംഭാവനയായും ധാരാളമായി സ്വീകരിച്ചിട്ടുണ്ട്. യുവാക്കള്ക്ക് തൊഴില് നല്കാനുള്ള വ്യവസായിക സംരംഭങ്ങള് പല കോണ്ഗ്രസ് ഭരിയ്ക്കുന്ന സംസ്ഥാനങ്ങളിലും അദാനി പ്രഖ്യാപിച്ചത് ഇവിടുത്തെ കോണ്ഗ്രസ് സര്ക്കാരുകളുടെ നിര്ബന്ധം സഹിക്കവയ്യാതെയാണ്.
