കൊച്ചി ; നടി ആക്രമിക്കപ്പെട്ട കേസിലെ വിചാരണക്കോടതിക്കെതിരായ അതിജീവിതയുടെ പ്രതികരണം പങ്കുവെച്ച് നടൻ പൃഥ്വിരാജ് സുകുമാരൻ. തന്റെ സമൂഹമാധ്യമ അക്കൗണ്ടിലൂടെയാണ് അതിജീവിതയുടെ കുറിപ്പ് പൃഥ്വിരാജ് പങ്കുവെച്ചത്.
കേസിൽ എട്ടാം പ്രതിയായിരുന്ന ദിലീപിനെ പിന്തുണയ്ക്കുന്ന നിലപാട് അമ്മയെന്ന സംഘടന സ്വീകരിച്ചപ്പോൾ കർശന നിലപാട് സ്വീകരിക്കണമെന്ന് നിലപാട് സംഘടനയ്ക്ക് ഉള്ളിൽ ഉയർത്തിയവരിലൊരാളാണ് പൃഥ്വിരാജ്.
അതേസമയം പൃഥ്വിരാജിനെ പരിഹസിച്ച് ബിജെപി നേതാവ് യുവരാജ് ഗോകുൽ രംഗത്തെത്തി. ‘ അവനവന് നേരെ ആരോപണം വന്നാല് അമ്മയേം ഭാര്യേം ഇറക്കി വിട്ടിട്ട് പുറകില് കയറി ഇരിക്കണ ധീരനാണ് പിന്തുണ കൊടുക്കാന് വരണത്….റിയല് ലൈഫ് ടെയ്ലര് മണി ‘ എന്നാണ് യുവരാജിന്റെ പോസ്റ്റ് .
എമ്പുരാൻ വിവാദമുയർന്ന വേളയിൽ പൃഥ്വിരാജിനെതിരെ ആരോപണമുയർന്നപ്പോൾ മല്ലിക സുകുമാരനും, ഭാര്യ സുപ്രിയയുമൊക്കെ പ്രതിരോധവുമായി രംഗത്തെത്തിയിരുന്നു. അന്ന് ഇക്കാര്യത്തിൽ പ്രതികരിക്കാൻ പോലും പൃഥ്വിരാജ് തയ്യാറായില്ലെന്നും ആരോപണമുയർന്നിരുന്നു.
