കൊച്ചി: നടി ആക്രമിക്കപ്പെട്ടതിന്റെ സ്വകാര്യദൃശ്യങ്ങള് കോടതിയില് നിന്ന് ചോര്ന്നിട്ടില്ലെന്ന് പ്രിന്സിപ്പല് സെഷന്സ് കോടതി വിധിന്യായത്തില് വ്യക്തമാക്കി. ദൃശ്യങ്ങള് സൂക്ഷിച്ചിരുന്ന ഫോള്ഡര് സുരക്ഷിതമാണ്. ഇതിന്റെ ഹാഷ് വാല്യുവില് മാറ്റം സംഭവിച്ചിട്ടില്ല.
സ്വകാര്യദൃശ്യങ്ങളടങ്ങിയ മെമ്മറി കാര്ഡിന്റെ സുരക്ഷ സംബന്ധിച്ച് അഭ്യൂഹങ്ങളുണ്ടായിരുന്നു. ദൃശ്യങ്ങള് ചോര്ന്നതായുള്ള ആരോപണങ്ങള് വിചാരണയുടെ പല ഘട്ടങ്ങളില് ഉയരുകയും ചെയ്തു. കോടതിയില് തെളിവായി ഹാജരാക്കിയ മെമ്മറി കാര്ഡിലെ ദൃശ്യങ്ങളടങ്ങിയ എട്ട് ഫയലുകളുടെ ഹാഷ് വാല്യുവില് മാറ്റം വന്നിട്ടില്ലെന്ന് ഫൊറന്സിക് പരിശോധനയില് കണ്ടെത്തിയിരുന്നു. പരാതിക്കാരിയുടെ സ്വകാര്യത ഒരു ഘട്ടത്തിലും ലംഘിക്കപ്പെട്ടിട്ടില്ല. ഇക്കാര്യം സ്പെഷ്യല് പ്രോസിക്യൂട്ടറും സമ്മതിച്ചിട്ടുണ്ട്.
പള്സര് സുനി ദൃശ്യങ്ങള് പകര്ത്തിയ ഫോണ് കണ്ടെത്താനുള്ള കൃത്യമായ അന്വേഷണം പ്രോസിക്യൂഷന്റെ ഭാഗത്ത് നടന്നിട്ടില്ല. നടിയോട് ദിലീപിന് വിരോധമുണ്ടായിരുന്നു എന്ന് തെളിയിക്കാന് തക്കവിധത്തിലുള്ള യാതൊരു തെളിവുകളും ഹാജരാക്കാന് കഴിഞ്ഞിട്ടില്ല. ഗൂഢാലോചനയുമായും പള്സര് സുനി ദിലീപുമായി നടത്തിയ കൂടിക്കാഴ്ചകളുമായി ബന്ധപ്പെട്ട് ഹാജരാക്കിയ സാക്ഷികളും തെളിവുകളും പര്യാപ്തമല്ലെന്നും വിധിന്യായത്തില് വ്യക്തമാക്കുന്നു.
‘നടിയുടെ സ്വകാര്യത ഒരു ഘട്ടത്തിലും ലംഘിക്കപ്പെട്ടിട്ടില്ല. സ്പെഷ്യല് പ്രോസിക്യൂട്ടറും ഇക്കാര്യം സമ്മതിക്കുന്നു’
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.