കണ്ണൂര് : തദ്ദേശ തിരഞ്ഞെടുപ്പ് ഫലപ്രഖ്യാപനം ഉണ്ടായതിന് പിന്നാലെ ജില്ലയില് കഴിഞ്ഞ രാത്രി പലയിടത്തും സി പി എം അക്രമമുണ്ടായി. പയ്യന്നൂരില് ഗാന്ധിപ്രതിമയുടെ മൂക്ക് തകര്ത്തു. രാമന്തളിയിലാണ് സംഭവം. കോണ്ഗ്രസ് നിയന്ത്രണത്തിലുള്ള മഹാത്മ മന്ദിരത്തിന്റെ മുന്നിലെ പ്രതിമയ്ക്ക് നേരെയാണ് ആക്രമണം.
ബിജെപി പുഞ്ചക്കാട് ഏരിയ ജനറല് സെക്രട്ടറി വികേഷിന്റെ വീട്ടില് കഴിഞ്ഞ രാത്രി റീത്ത് വച്ചു
കൂവോട് തുരുത്തിയില് യുഡിഎഫ് സ്ഥാനാര്ഥിയെ പിന്തുണച്ചയാളുടെ വീടിന് നേരെ കല്ലെറിഞ്ഞു. തളിപ്പറമ്പ് നഗരസഭ 26 ാം വാര്ഡ് തുരുത്തിയില് മത്സരിച്ച യുഡിഎഫ് സ്ഥാനാര്ത്ഥി മറിയംബി ജാഫറിന്റെ നാമനിര്ദേശ പത്രികയില് ഒപ്പിട്ട അഴീക്കോടന്റകത്ത് റഫീക്കിന്റെ വീടിനു നേരെയാണ് കല്ലെറിഞ്ഞത്. വീടിന്റെ മേല്ക്കൂരയിലെ മെറ്റല് ഷീറ്റും അടുക്കള ഭാഗത്തെ ജനല് പാളികളും തകര്ന്നു.
