പാലക്കാട്: ഒപ്പം നിന്ന് ചതിച്ചതിന്റെ വേദനയിലാണ് മണ്ണാര്ക്കാട് നഗരസഭയിലെ എല്ഡിഎഫ് സ്ഥാനാര്ത്ഥി. തദ്ദേശ തിരഞ്ഞെടുപ്പില് കിട്ടിയത് ഒരേയൊരു വോട്ട് മാത്രം! നഗരസഭയിലെ ഒന്നാം വാര്ഡില് മത്സരിച്ച ഫിറോസ് ഖാനാണ് ഒരു വോട്ടു മാത്രം നേടി ചരിത്രത്തിലിടം നേടിയ സ്ഥാനാര്ത്ഥി. ഒറ്റ വോട്ടിലേക്ക് ചുരുങ്ങിയതിന്റെ ഞെട്ടലിലാണ് ഫിറോസ് ഖാന്. വോട്ടു നില പുറത്തു വന്നതോടെ നാട്ടുകാരുടെ കൗതുകം ഇതാണ്: വീട്ടുകാരോ നാമനിര്ദ്ദേശ പത്രികയില് ഒപ്പിട്ടവരോ പോലും ഇദ്ദേഹത്തിന് വോട്ടു ചെയ്യാഞ്ഞതിന്റെ പൊരുളെന്താവും? ഒരു പാര്ട്ടി പ്രവര്ത്തകനോ, നേതാവോ പോലും ഒപ്പമില്ലാത്ത ഫിറോസ് ഖാന് എങ്ങിനെ സ്ഥാനാര്ത്ഥിയായി എന്നതും അത്ഭുതമാണ്.
മുസ്ലിം ലീഗ് സ്ഥാനാര്ത്ഥി കെ.സി. അബ്ദുറഹ്മാന് ആണ് ഇവിടെ 301 വോട്ടിന്റെ ഭൂരിപക്ഷത്തില് വിജയിച്ചത്. വെല്ഫെയര് പാര്ട്ടിയുടെ പിന്തുണയോടെ മത്സരിച്ച സ്വതന്ത്ര സ്ഥാനാര്ത്ഥി സിദ്ദിഖിന് 179 വോട്ടും, മറ്റൊരു സ്വതന്ത്രനായ ഫൈസല് കുന്തിപ്പുഴയ്ക്ക് 65 വോട്ടും ലഭിച്ചു.
