തിരുവനന്തപുരം : പ്രമുഖ പത്രപ്രവര്ത്തകന് ജി വിനോദ്(54) അന്തരിച്ചു.രോഗബാധിതനായി ചികിത്സയിലായിരുന്നു. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം.
സംസ്കാരം പിന്നീട്
മലയാള മനോരമ സ്പെഷ്യല് കറസ്പോണ്ടന്റാണ്.അന്വേഷണാത്മക റിപ്പോര്ട്ടില് മികവ് പുലര്ത്തി.വിനോദിന്റെ റിപ്പോര്ട്ടുകള് ഭരണതലത്തില് കോളിളക്കങ്ങള് സൃഷ്ടിച്ചിട്ടുണ്ട്. മത്സ്യഫെഡിലെ സുസുക്കി എന്ജിന് ഇറക്കുമതി അഴിമതി, പരിവര്ത്തിത ക്രൈസ്തവ കോര്പറേഷന് അഴിമതി എന്നിവ സംബന്ധിച്ച വാര്ത്തകളെ തുടര്ന്ന് ഭരണസമിതികളെ പിരിച്ചുവിടേണ്ടിവന്നു. നിരവധി പുരസ്കാരങ്ങള് നേടിയിട്ടുണ്ട്.
ദീപികയിലാണ് ജി വിനോദ് പത്രപ്രവര്ത്തനം ആരംഭിച്ചത്. 2002 ല് ആണ് മനോരമയില് എത്തിയത്. മുറിഞ്ഞപാലം ശാരദ നിവാസില് പരേതനായ കെ.ഗോപിനാഥ പണിക്കരുടെയും (മുന് സ്റ്റാറ്റിസ്റ്റിക്സ് ഓഫിസര്, കേരള സര്വകലാശാല) രമാ ദേവിയുടെയും (മുന് ഉദ്യോഗസ്ഥ, കേരള സര്വകലാശാല) മകനാണ്.ഭാര്യ- ഏഷ്യാനെറ്റ് ന്യൂസ് എക്സിക്യൂട്ടീവ് എഡിറ്റര് സിന്ധു സൂര്യകുമാര്. മകന്: ഇഷാന് എസ്.വിനോദ് (5ാം ക്ലാസ് വിദ്യാര്ഥി, ശ്രീകാര്യം ലെക്കോള് ചെമ്പക സ്കൂള്).
