ശബരിമല:തിങ്കളാഴ്ച വൈകിട്ട് നാല് മണി വരെ 73,679പേര് അയ്യപ്പ ദര്ശനം നടത്തി.പുല്ലുമേട് വഴി സന്നിധാനത്തേക്ക് എത്തുന്ന അയ്യപ്പഭക്തരുടെ എണ്ണത്തിലും വര്ധന.
ഭക്തരുടെ തിരക്ക് ഏറിയ സാഹചര്യത്തില് കാനനപാതയില് വനംവകുപ്പ് നിരീക്ഷണം ശക്തമാക്കി. പുല്ലുമേട് വഴി എത്തുന്നവര്ക്ക് പതിനെട്ടാം പടി ചവിട്ടുന്നതിന് തിരുവിതാംകൂര് ദേവസ്വം ബോര്ഡും പൊലീസും ചേര്ന്ന് പ്രത്യേക സംവിധാനം ഏര്പ്പെടുത്തി. വാവര് സ്വാമി നടയ്ക്ക് മുന്നിലൂടെ ആഴിക്ക് സമീപമുള്ള ആല്മരത്തിന് അരികിലൂടെ പ്രവേശിച്ച് ഇവര്ക്ക് പതിനെട്ടാം പടി ചവിട്ടാം.
അതേസമയം,ആരോഗ്യപ്രശ്നങ്ങളുള്ളവര്,നടക്കാന് ബുദ്ധിമുട്ടുള്ളവര്, വയോധികര്, ചെറിയ കുട്ടികളുമായി വരുന്നവര് എന്നിവര് പരമ്പരാഗത കാനനപാത ഒഴിവാക്കണമെന്ന് എ.ഡി.എം നിര്ദേശിച്ചു.ഇവര് നിലയ്ക്കല്-പമ്പ റൂട്ട് വഴി സന്നിധാനത്ത് എത്തണം.
