കോഴിക്കോട്: കുറുനരിയുടെ ആക്രമണത്തില് രണ്ട് യുവാക്കള്ക്ക് പരിക്ക്. നടുവണ്ണൂര് വാകയാടാണ് കുറുനരി ആക്രമണം നടത്തിയത്.
തുരുത്തിയാട് പുത്തൂര്വയല് സ്വദേശി പ്രവീണ്കുമാര്, രാജേഷ് കുമാര് എന്നിവരെയാണ് കുറുനരി കടിച്ചത്.കാലിനും കൈക്കും പരിക്കേറ്റ ഇരുവരെയും ആശുപത്രിയില് പ്രവേശിപ്പിച്ചു.
ജോലി സ്ഥലത്ത് എത്തിയ യുവാക്കള് രാവിലെ ചായ കുടിച്ചശേഷം കൈ കഴുകുന്നതിനിടെ കുറുനരി ആക്രമിക്കുകയായിരുന്നു.കടിയേറ്റ് ഇവര് നിലത്തുവീണിട്ടും കുറുനരി ആക്രമണം തുടര്ന്നു.
ബഹളം കേട്ട് ആളുകള് ഓടിയെത്തിയപ്പോള് കുറുനരി കടന്നുകളഞ്ഞു. യുവാക്കളെ ആദ്യം ബാലുശേരി താലൂക്ക് ആശുപത്രിയിലും പിന്നീട് കോഴിക്കോട് മെഡിക്കല് കോളജ് ആശുപത്രിയിലും പ്രവേശിപ്പിച്ചു.കുറുനരിയെ പിന്നീട് നാട്ടുകാര് തല്ലിക്കൊന്നു. മൃഗ സംരക്ഷണ വകുപ്പ് അധികൃതര് എത്തി പരിശോധന നടത്തി.
