തിരുവനന്തപുരം:മരണാനന്തര ചടങ്ങിനിടെ യുവാക്കള് ഏറ്റുമുട്ടിയതിനെ തുടര്ന്ന് കിണറ്റില് വീണ് മൂന്ന് പേര്ക്ക് പരിക്ക്. ആറ്റിങ്ങല് ബോയ്സ് സ്കൂളിന് സമീപത്തെ വീട്ടിലെ കിണറ്റില് വീണ യുവാക്കളെ അഗ്നിരക്ഷാ സേന രക്ഷപ്പെടുത്തി.
മരണാനന്തര ചടങ്ങിനെത്തിയ അഞ്ച് പേരുടെ സംഘം മദ്യപിച്ച ശേഷം അടുത്ത പുരയിടത്തിലെ കിണറ്റിന്കരയിലിരുന്ന് സംസാരിക്കവെ ഇവര് തമ്മില് സംഘര്ഷമുണ്ടാവുകയായിരുന്നു.ഇതിനിടെ മൂന്ന് പേര് കിണറ്റിലേക്ക് വീണു.
അനൂപ്, സനു, ശ്യാം എന്നിവരാണ് കിണറ്റില് വീണത്. ഏകദേശം 50 അടയോളം താഴ്ചയും ആറടിയോളം വെള്ളവുമുള്ള കിണറ്റിലേക്കാണ് ഇവര് വീണത്. നാട്ടുകാര് ഒരാളെ കരയിലെത്തിച്ചെങ്കിലും രണ്ട് പേര്ക്ക് കയറാനായില്ല.
ഇതോടെ ആറ്റിങ്ങല് യൂണിറ്റില് നിന്നും അഗ്നിരക്ഷാ സേന എത്തി കയറും വലയും ഉപയോഗിച്ച് കിണറ്റില് കുടുങ്ങിയവരെ കരയിലെത്തിക്കുകയായിരുന്നു.
