കൊച്ചി: ലൈംഗിക പീഡന കേസില് രാഹുല് മാങ്കൂട്ടത്തില് സമര്പ്പിച്ച മുന്കൂര് ജാമ്യാപേക്ഷ ഹൈക്കോടതി ശനിയാഴ്ച പരിഗണിക്കും. ജസ്റ്റിസ് കെ ബാബുവിന്റെ ബെഞ്ചാണ് ജാമ്യാപേക്ഷ പരിഗണിക്കുക. തിരുവനന്തപുരം പ്രിന്സിപ്പല് സെഷന്സ് കോടതി മുന്കൂര് ജാമ്യാപേക്ഷ തള്ളിയതിനെ തുടര്ന്നാണ് രാഹുല് ഹൈക്കോടതിയെ സമീപിച്ചത്.
തനിക്കെതിരെ ഉയര്ന്ന ആരോപണം ബലാത്സംഗമായി കണക്കാക്കാനാകില്ലെന്നും പരാതി നല്കിയത് യഥാര്ത്ഥ രീതിയിലൂടെയല്ലെന്നുമാണ് രാഹുല് മാങ്കൂട്ടത്തിലിന്റെ ഹര്ജിയിലെ വാദങ്ങള്. യുവതി മുഖ്യമന്ത്രിക്കാണ് പരാതി നല്കിയത്. കസ്റ്റഡിയില് ചോദ്യം ചെയ്യേണ്ട ആവശ്യമില്ല.
പരാതിക്കാരിയുമായി ഉഭയകക്ഷി സമ്മത പ്രകാരമുളള ലൈംഗിക ബന്ധം ആണ് ഉണ്ടായത്.വര്ഷങ്ങളോളം നീണ്ടുനിന്ന ബന്ധം തകര്ന്നപ്പോള് ബലാത്സംഗ കേസായി മാറ്റിയതാണെന്നും ഹര്ജിയില് പറയുന്നു.അതേസമയം, ഒമ്പതാം ദിവസവും രാഹുല് മാങ്കൂട്ടത്തില് ഒളിവില് തുടരുകയാണ്. അതേസമയം, രാഹുല് മാങ്കൂട്ടത്തിലിനെതിരെ വന്ന രണ്ടാമത്തെ ലൈംഗിക പീഡന പരാതി അന്വേഷിക്കാന്
എസ് പി ജി പൂങ്കുഴലിയുടെ നേതൃത്വത്തിലുളള പ്രത്യേക സംഘത്തെ നിയോഗിച്ചിട്ടുണ്ട്.
