ഓർമ്മയുണ്ടായിരിക്കണം; ഓർമ്മിപ്പിക്കുന്നത് ലല്ലുവിന്റെ മകൾ രോഹിണി

ന്യൂദൽഹി: ഓർമ്മയുണ്ടായിരിക്കണം, എന്ന് ഫോട്ടോയിലൂടെ പറഞ്ഞ് ലല്ലു പ്രസാദ് യാദവിന്റെ കുടുംബത്തെ ഓർമ്മിപ്പിച്ച് മകൾ രോഹിണി ആചാര്യ. സഹോദരൻ തേജസ്വി യാദവിനും ഒരേ വയറ്റിൽ പിറന്ന മറ്റു സഹോദരങ്ങൾക്കുമുള്ള ഓർമ്മിപ്പിക്കലാണിത്. അച്ഛൻ ലല്ലു പ്രസാദ് യാദവിന് രോഹിണിയാണ് വൃക്കദാനം ചെയ്തത്; മറ്റു മക്കൾ ആരും തയാറാകാഞ്ഞപ്പോൾ.
എന്നാൽ ഇക്കഴിഞ്ഞ് നിയമസഭാ തെരഞ്ഞെടുപ്പിൽ ആർജെഡിക്ക് ഉണ്ടായ വൻ പരാജയത്തിനെ തുടർന്ന് രോഹിണി ആചാര്യതെ സഹോദരങ്ങളും ഭർത്താവും ചേർന്ന് പുറത്താക്കി. ‘അനാഥ’യായ രോഹിണി, ആ സംഭവത്തിന് ഏറെക്കുറേ ഒരു മാസത്തിനു ശേഷം ഒരു ചിത്രത്തിലൂടെ കുടുംബത്തോട് പറയുന്നു, ഓർമ്മയുണ്ടായിരിക്കണം.
വൃക്ക മാറ്റിവെയ്‌ക്കലിനു ശേഷം അച്ഛൻ ലല്ലുവുമായി ചേർന്നിരുന്ന് ഇരുവരും സന്തോഷത്തോടെ ഇരിക്കുന്ന ചിത്രമാണ് രോഹിണി സാമൂഹ്യ മാദ്ധ്യമത്തിൽ പങ്കുവെച്ചത്. ഫേസ് ബുക്കിൽ രോഹിണി ഇങ്ങനെ എഴുതി: ”ഈ ഫോട്ടോ 2022 ഡിസംബർ അഞ്ചിന് കാലത്ത് 7.37 ന് എടുത്തതാണ്. സർജറി തുടങ്ങുന്നതിന് ഏതാനും മിനിട്ടിനുമുമ്പ്. ഇന്ന് മൂന്നുവർഷം തികയുന്നു. എനിക്ക് ആരാധാനമൂർത്തിയായ അച്ഛൻ എക്കാലത്തും ഒപ്പമുണ്ടായിരിക്കാൻ ദൈവത്തോട് പ്രാർത്ഥിക്കുന്നു.”
മുമ്പ് രോഹിണി ഇങ്ങനെ പ്രതികരിച്ചിരുന്നു: ”അച്ഛന് ഒരു വൃത്തികെട്ട വൃക്ക നൽകിയതിന് ഞാൻ ശപിക്കപ്പെട്ടിരുന്നു. ഇപ്പോൾ ഞാൻ അനാഥയെപ്പോലെയാണ്. വിവാഹിതകൾ, അവരുടെ അച്ഛനുവേണ്ടി, കുടുംബത്തിൽ ആൺ മക്കളുണ്ടെങ്കിൽ വലിയ സാഹസങ്ങൾ കാട്ടാതിരിക്കണം. ഞാനനുഭവിക്കുന്നപോലെയുള്ള അവസ്ഥ ഒരു കുടുംബത്തിലെയും പെൺകുട്ടികൾക്ക് ഉണ്ടായിട്ടില്ലെന്ന് ഞാൻ കരുതുന്നു.”