ധാക്ക: ഇന്ത്യയ്ക്കെതിരെ വിഷം വമിപ്പിച്ച് മറ്റൊരു ബംഗ്ലാദേശ് സൈനിക ഉദ്യോഗസ്ഥൻ. വടക്കുകിഴക്കൻ ഇന്ത്യ പിടിച്ചെടുക്കാൻ ഇന്ത്യാ വിരുദ്ധ ശക്തികളെ ഒന്നിപ്പിക്കണമെന്ന് ജമാഅത്ത് അനുഭാവിയായ വിരമിച്ച കേണൽ അബ്ദുൾ ഹഖ് ആഹ്വാനം ചെയ്തു. ഈ പ്രദേശം കൈവശപ്പെടുത്താൻ ചൈനയെ പരോക്ഷമായി ക്ഷണിച്ച മുഹമ്മദ് യൂനസിന്റെ പ്രസ്താവനയെ ഹഖിന്റെ ആഹ്വാനം പ്രതിഫലിപ്പിക്കുന്നുണ്ട്. നേരത്തെ ഇന്ത്യയുടെ വടക്കുകിഴക്കൻ പ്രദേശം ബംഗ്ലാദേശിന്റെ ഭാഗമായി കാണിക്കുന്ന ഒരു ഭൂപടത്തിന്റെ ഫോട്ടോ യൂനുസ് ഒരു മുതിർന്ന പാകിസ്ഥാൻ സൈനിക ഉദ്യോഗസ്ഥന് പരസ്യമായി സമ്മാനിച്ചിരുന്നു.
ആരാണ് കേണൽ അബ്ദുൾ ഹഖ്?
ബംഗ്ലാദേശ് ആർമിയിൽ നിന്ന് വിരമിച്ച കേണൽ അബ്ദുൾ ഹഖ് ജമാഅത്തെ ഇസ്ലാമിയുടെ പിന്തുണക്കാരനായി കണക്കാക്കപ്പെടുന്നു. വിരമിച്ച ശേഷം ഇയാൾ പാകിസ്ഥാൻ അനുകൂല ഇസ്ലാമിക രാഷ്ട്രീയത്തിലാണ് ഏർപ്പെടുന്നത്. നേരത്തെയും അബ്ദുൾ ഹഖ് ഇന്ത്യാ വിരുദ്ധ പ്രസ്താവനകൾ നടത്തിയിട്ടുണ്ട്. കേണൽ അബ്ദുൾ ഹഖ് 2023 സെപ്റ്റംബറിൽ ഖാലിദ സിയയുടെ ബംഗ്ലാദേശ് നാഷണലിസ്റ്റ് പാർട്ടിയിൽ (ബിഎൻപി) ചേർന്നു.
ബിഎൻപിയുടെയും ജമാഅത്തെ ഇസ്ലാമിയുടെയും രാഷ്ട്രീയ പ്രത്യയശാസ്ത്രങ്ങൾ ഏറെക്കുറെ സമാനമാണ്. രണ്ടും ഇന്ത്യാ വിരുദ്ധ രാഷ്ട്രീയത്തിൽ ഏർപ്പെടുന്നു. ഇക്കാലയളവിൽ ഇന്ത്യാ വിരുദ്ധ പ്രസ്താവനകൾ നടത്തി കേണൽ അബ്ദുൾ ഹഖ് ഈ പ്രത്യയശാസ്ത്രത്തെ കൂടുതൽ പ്രോത്സാഹിപ്പിക്കുകയും ചെയ്യുന്നുണ്ട്.
ബംഗ്ലാദേശ് മുൻ ജനറലും വിഷം വമിപ്പിച്ചു
ഇന്ത്യയെ പല കഷണങ്ങളായി വിഭജിക്കുന്നതുവരെ ബംഗ്ലാദേശിൽ പൂർണ്ണ സമാധാനം വരില്ലെന്ന് ബംഗ്ലാദേശ് ആർമിയുടെ മുൻ ജനറലായ അബ്ദുള്ളഹി അമൻ ആസ്മി നേരത്തെ പറഞ്ഞിരുന്നു. അബ്ദുള്ളഹി അമൻ ആസ്മിയുടെ പിതാവ് ഇന്ത്യാ വിരുദ്ധ ജമാഅത്തെ ഇസ്ലാമിയുടെ തലവനായിരുന്നു. 1971 ലെ വിമോചന യുദ്ധത്തിൽ ഹിന്ദുക്കളെയും സ്വാതന്ത്ര്യ അനുകൂല ബംഗാളികളെയും കൂട്ടക്കൊല ചെയ്തതിന് ഇയാളെ ശിക്ഷിച്ചിട്ടുണ്ട്. ഈ പ്രത്യയശാസ്ത്രമാണ് അമൻ ആസ്മിയെ ഇന്ത്യയ്ക്കെതിരെയുള്ള വിദ്വേഷ ഭാഷ ഉപയോഗിക്കാൻ പ്രേരിപ്പിക്കുന്നത്.
