മൂന്നാര്: മൂന്നാറില് സോണിയ ഗാന്ധിയും മത്സരിക്കുന്നുണ്ട്, അതും ബിജെപി സ്ഥാനാര്ത്ഥിയായി. മുപ്പത്തിനാലു വയസുകാരിയായ സോണിയ ഗാന്ധി മൂന്നാര് പഞ്ചായത്തിലെ പതിനാറാം വാര്ഡായ നല്ലതണ്ണിയിലാണു മത്സരിക്കുന്നത്. ബിജെപി പഞ്ചായത്ത് ജനറല് സെക്രട്ടറി സുഭാഷിന്റെ ഭാര്യയാണ്.
നല്ലതണ്ണി കല്ലാറിലെ തൊഴിലാളിയും മുതിര്ന്ന കോണ്ഗ്രസ് നേതാവുമായിരുന്ന പരേതനായ ദുരൈരാജിന്റെ മകളാണു സോണിയ ഗാന്ധി. കോണ്ഗ്രസ് നേതാവ് സോണിയ ഗാന്ധിയോടുള്ള ഇഷ്ടംകൊണ്ടാണ് അദ്ദേഹം മകള്ക്ക് ഈ പേരു കൊടുത്തത്.
ഭര്ത്താവ് ബിജെപി പ്രവര്ത്തകനായതോടെയാണ് സോണിയയയും പാര്ട്ടി അനുഭാവിയായത്. പഴയ മൂന്നാര് മൂലക്കടയില് ഒന്നര വര്ഷം മുന്പു നടന്ന പഞ്ചായത്ത് ഉപതെരഞ്ഞെടുപ്പില് സുഭാഷ് ബിജെപി സ്ഥാനാര്ഥിയായിരുന്നു. കോണ്ഗ്രസിലെ മഞ്ജുള രമേശും സിപിഎമ്മിലെ വളര്മതിയുമാണ് സോണിയ ഗാന്ധിയുടെ എതിര് സ്ഥാനാര്ത്ഥികള്.
