അബുദാബി: ഇന്ത്യന് പ്രീമിയര് ലീഗില് ബാറ്റിങ് വെടിക്കെട്ട്കൊണ്ട് വിസ്മയം തീര്ത്ത ഓസ്ട്രേലിയന് ഓള് റൗണ്ടര് ഗ്ലെന് മാക്സ് വെല് ഇനി ഐപിഎല് കളിക്കില്ല. ഐ പി എല്ലില് കളി അവസാനിപ്പിച്ചതായി താരം പ്രഖ്യാപിച്ചു.
16ന് അബുദാബിയില് നടക്കുന്ന ഐപിഎല് ലേലത്തിനായി രജിസ്റ്റര് ചെയ്ത താരങ്ങളുടെ പടിടകയില് ഗ്ലെന് മാക്സ് വെല് ഇടം നേടിയിരുന്നില്ല. ഇതോടെ ഉയര്ന്ന അഭ്യൂഹങ്ങള്ക്കു പിന്നാലെയാണ് താരം ഇനി ഐപിഎല്ലിലേക്കില്ലെന്നു വ്യക്തമാക്കിയത്. ക്രിക്കറ്ററെന്ന നിലയിലും വ്യക്തി എന്ന നിലയിലും തന്നെ രൂപപ്പെടുത്തുന്നതില് ഐപിഎല്ലിനു നിര്ണായക സ്ഥാനമുണ്ട്. ഇന്ത്യയില്നിന്ന് ധാരാളം കാര്യങ്ങള് പഠിച്ചു. സ്നേഹം ആതിഥ്യമര്യദ, ബന്ധങ്ങള് അങ്ങനെ. ഇവിടെനിന്നു പോയാലും ഐപിഎല് എന്നും മനസിലുണ്ടാകും- മാക്സി കൂട്ടിച്ചേര്ത്തു.
കഴിഞ്ഞ സീസണില് 4.2 കോടി രൂപക്കാണ് പഞ്ചാബ് കിങ്സ് മാകിസയെ ടീമിലെടുത്തത്. എന്നാല്, ശരാശരി പ്രകടനം മാത്രമാണ് താരത്തില്നിന്നുണ്ടായത്. അതുകൊണ്ടുതന്നെ മാക്സ്വെല്ലിനെ ഇത്തവണ ടീം നിലനിര്ത്തിയില്ല.
ഐ പി എല്ലില് 141 മത്സരങ്ങളില്നിന്നായി 2,819 റണ്സ് നേടിയ മാക്സിയുടെ സ്ട്രൈക്ക് റേറ്റ് 155.06 ആണ്. പഞ്ചാബ് കിങ്സ്, റോയല് ചലഞ്ചേഴ്സ് ബംഗളൂരു, മുംബൈ ഇന്ത്യന്സ്, ഡല്ഹി കാപിറ്റല്സ് എന്നീ ടീമുകളിലാണ് മാക്സി കളിച്ചത്. ഇതില് പഞ്ചാബ്, ബംഗളൂരു എന്നീ ടീമുകള്ക്കൊപ്പം കൂടുതല് മത്സരങ്ങള് കളിച്ചു. 16ന് നടക്കുന്ന ലേലത്തില് 1355 താരങ്ങളാണ് രജിസ്റ്റര് ചെയ്തത്. ഓസ്ട്രേലിയന് സൂപ്പര്താരം കാമറൂണ് ഗ്രീന്, വെങ്കടേഷ് അയ്യര്, രവി ബിഷ്ണോയി തുടങ്ങിയവര്ക്കാണ് കൂടുതല് അടിസ്ഥാന വിലയുള്ളവര്, രണ്ട് കോടി രൂപ.
