കൊല്ലം: നഗരത്തിലെ ബാറിന് മുന്നില് രണ്ട് സംഘങ്ങള് ഏറ്റുമുട്ടിയതിന്റെ ദൃശ്യങ്ങള് പുറത്തു വന്നു. കഴിഞ്ഞ മാസം 28നാണ് സംഭവം നടന്നത്.
കൊല്ലം സോഡിയാക്ക് ബാര് വളപ്പിലാണ് ഏറ്റുമുട്ടലുണ്ടായത്.ക്രിമിനല് കേസ് പ്രതികള് ഉള്പ്പടെയാണ് ഏറ്റുമുട്ടിയതെന്നാണ് പൊലീസ് നിഗമനം.
കാറിലെത്തിയ സംഘവുമായി മറ്റൊരു സംഘം വാക്കുതര്ക്കത്തില് ഏര്പ്പെട്ടപ്പോള് ബാറിലുണ്ടായിരുന്ന കൂടുതല് പേര് കൂട്ടത്തിലേക്ക് വന്നു ചേര്ന്നു. തുടര്ന്ന് കയ്യാങ്കളിയായി. ഒരാള് ബിയര് കുപ്പി കൊണ്ട് മറ്റൊരാളെ ആക്രമിച്ചതിനെ തുടര്ന്നാണ് സംഘര്ഷമുണ്ടായത്. സംഭവത്തില് പരാതിക്കാരില്ലാത്തതിനാല് പൊലീസ് കേസെടുത്തിട്ടില്ല. സംഘര്ഷത്തില് സ്പെഷ്യല് ബ്രാഞ്ച് റിപ്പോര്ട്ട് സമര്പ്പിച്ചിട്ടുണ്ട്.
