ഇസ്ലാമാബാദ് : സായുധ വിമത ഗ്രൂപ്പായ ബലൂച് ലിബറേഷൻ ഫ്രണ്ട് (BLF) പാകിസ്ഥാൻ ഫ്രണ്ടിയർ കോർപ്സ് സുരക്ഷാ കോമ്പൗണ്ട് ആക്രമിക്കാൻ നിയോഗിച്ചത് വനിതാ ചാവേർ ബോംബർമാരെ ചൈനീസ് കമ്പനികൾ നടത്തുന്ന ചെമ്പ്, സ്വർണ്ണ ഖനന പദ്ധതികളുടെ പ്രധാന കേന്ദ്രമായിരുന്നു ഈ കോമ്പൗണ്ട്. ഞായറാഴ്ച വൈകുന്നേരം നടന്ന ആക്രമണത്തിൽ ആറ് പാകിസ്ഥാൻ സൈനികർ കൊല്ലപ്പെട്ടു. BLF ആദ്യമായാണ് വനിതാ ചാവേർ ബോംബർമാരെ ഉപയോഗിച്ച് ആക്രമണം നടത്തുന്നത്.
ചാവേർ ബോംബർ സറീന റഫീഖിന്റെ ഫോട്ടോ ബിഎൽഎഫ് പുറത്തുവിട്ടു. സറീന പ്രധാന കാമ്പസിൽ പ്രവേശിച്ച് സ്വയം പൊട്ടിത്തെറിക്കുകയായിരുന്നു . ചൈനീസ്, കനേഡിയൻ കമ്പനികളുടെ പദ്ധതികളെ ലക്ഷ്യമിട്ടായിരുന്നു ആക്രമണം.രക്തസാക്ഷി കമാൻഡർ വാജ സാഡോയുടെ പേരിലുള്ള “സാഡോ ഓപ്പറേഷൻ ബറ്റാലിയൻ (SOB)” എന്ന ആത്മഹത്യാ യൂണിറ്റാണ് ആക്രമണം നടത്തിയതെന്ന് BLF പ്രസ്താവിച്ചത്.
അതേസമയം, നവംബർ 28 നും 29 നും ഇടയിൽ ബലൂച് ലിബറേഷൻ ആർമി (BLA) നിരവധി ആക്രമണങ്ങൾ നടത്തിയതായും , 27 പാകിസ്ഥാൻ സൈനികരെ കൊലപ്പെടുത്തിയതായും ഒരു മോട്ടോർവേയുടെ നിയന്ത്രണം പിടിച്ചെടുത്തതായും ലിബറേഷൻ ആർമി വ്യക്തമാക്കി. ഗ്വാദറിലെ പാസ്നി പ്രദേശത്ത്, ഒരു കോസ്റ്റ് ഗാർഡ് ക്യാമ്പിന് നേരെ BLA ഗ്രനേഡ് ലോഞ്ചറുകളും ഉപയോഗിച്ചു.
