തകഴി: വൈകല്യങ്ങളെ അവഗണിച്ച് സുലു സുകുമാര് (36) പോരാടുന്നത് നാടിന്റെ വികസന സ്വപ്നം സാക്ഷാത്കരിക്കാന്. തകഴി പഞ്ചായത്തിലെ ആറാം വാര്ഡിലെ എന്ഡിഎ സ്ഥാനാര്ത്ഥിയാണ്. ഇടതു-വലതു മുന്നണികളുടെ വിജയപ്രതീക്ഷകള്ക്ക് മങ്ങലേല്പ്പിച്ച് താമര ചിഹ്നത്തില് ശക്തമായ മത്സരമാണ് കാഴ്ചവെയ്ക്കുന്നത്.
ശാരീരികമായി ബുദ്ധിമുട്ടുകള് ഉണ്ടെങ്കിലും നാടിന്റെ പ്രശ്നങ്ങളെക്കാള് വലുതല്ല തന്റെ വൈകല്യം എന്നാണ് സുലു പറയുന്നത്. എന്ഡിഎ സ്ഥാനാര്ത്ഥിയായി മത്സരിക്കുന്നതിന് മുന്പ് പ്രദേശത്തിന്റെ അവഗണനകളില് പ്രതിഷേധിച്ച് ബിജെപിയ്ക്കൊപ്പം നിരവധി സമര പരിപാടികള്ക്കും നേതൃത്വം നല്കിയിട്ടുണ്ട്.
പഞ്ചായത്തിലെ തകര്ന്നടിഞ്ഞ റോഡുകള്, അര്ഹതപ്പെട്ടവര്ക്ക് ലൈഫ്മിഷന് വഴിയുള്ള വീട് നിഷേധിക്കല്, രൂക്ഷമായ കുടിവെള്ള ക്ഷാമം തുടങ്ങിയവ ഉയര്ത്തിക്കാട്ടിയാണ് ശാരീരിക അവശതകള് മറന്ന് സുലു വോട്ട് അഭ്യര്ത്ഥിക്കുന്നത്. ബിജെപിക്ക് വേണ്ടി സമൂഹമാധ്യമങ്ങളിലും സജീവ സാന്നിധ്യമാണ്. തിരുവനന്തപുരം വാമനപുരം മെലാറ്റുമൊഴി സ്വദേശി അനീഷാണ് ഭര്ത്താവ്. ബാലഗോകുലം ഉള്പ്പെടെയുള്ള സംഘടകളില് സജീവമായി പ്രവര്ത്തിക്കുവാന് പ്രേരണ നല്കുന്നതും അനീഷാണെന്ന് സുലു പറയുന്നു.
ജന്മഭൂമി ഓണ്ലൈന്