ദല്ഹി: കടയ്ക്കാവൂര് പോക്സോ കേസില് ഇരയുടെ പേര് വെളിപ്പെടുത്തിയതിന് യൂട്യൂബര് സൂരജ് പാലാക്കാരനെതിരെയുളള പോക്സോ കേസ് സുപ്രീം കോടതി റദ്ദാക്കി. ഉപാധികളോടെയാണ് കേസ് റദ്ദാക്കിയത്.
ഇത്തരം നടപടികള് ഇനി ഉണ്ടാകില്ലെന്ന ഉറപ്പ് സൂരജ് പാലാക്കാരന് വിചാരണ കോടതിയിലും പൊലീസ് സ്റ്റേഷനിലും നല്കണം. ഉറപ്പ് ലംഘിച്ചാല് കേസിലെ നടപടികള് പുനഃസ്ഥാപിക്കുമെന്ന് ചീഫ് ജസ്റ്റിസ് അധ്യക്ഷനായ ബെഞ്ച് പറഞ്ഞു.
പേര് വെളിപ്പെടുത്തിയതില് ഇരയ്ക്ക് പ്രയാസം ഉണ്ടെങ്കില് നിരുപാധികം മാപ്പ് പറയുന്നതായി സുപ്രീം കോടതിയില് നല്കിയ മറുപടി സത്യവാംഗ്മൂലത്തില് സൂരജ് പാലാക്കാരന് അറിയിച്ചിരുന്നു. ഇക്കാര്യം യൂട്യൂബറുടെ അഭിഭാഷകന് കോടതിയുടെ ശ്രദ്ധയില് പെടുത്തിയതോടെയാണ് കര്ശന ഉപാധികളോടെ കേസ് റദ്ദാക്കാന് ചീഫ് ജസ്റ്റിസ് അധ്യക്ഷനായ ബെഞ്ച് നിര്ദേശിച്ചത്.
