ന്യൂദല്ഹി: നാളെ ആരംഭിക്കുന്ന പാര്ലമെന്റിന്റെ ശീതകാല സമ്മേളനത്തില് എല്ലാ രാഷ്ട്രീയ പാര്ട്ടികളും മര്യാദ പാലിക്കണമെന്നും തടസ്സപ്പെടുത്തലുകള് ഒഴിവാക്കണമെന്നും കേന്ദ്ര പാര്ലമെന്ററി കാര്യ മന്ത്രി കിരണ് റിജ്ജു അഭ്യര്ത്ഥിച്ചു.
‘ഇത് ശീതകാല സമ്മേളനമായതിനാല്, എല്ലാവരും ശാന്തമായ മനസ്സോടെ പ്രവര്ത്തിക്കുമെന്നും ചൂടേറിയ ചര്ച്ചകള് ഒഴിവാക്കുമെന്നും ഞങ്ങള് പ്രതീക്ഷിക്കുന്നു. പാര്ലമെന്റില് ചര്ച്ച ഉണ്ടാകും, എന്നാല് തടസ്സങ്ങളൊന്നും ഉണ്ടാകില്ലെന്ന് ഞാന് പ്രതീക്ഷിക്കുന്നു. നമ്മള് ശാന്തമായ മനസ്സോടെ പ്രവര്ത്തിച്ചാല് അത് രാജ്യത്തിന് ഗുണം ചെയ്യും, പാര്ലമെന്റ് സമ്മേളനം സുഗമമായി നടക്കും,’ റിജ്ജു പറഞ്ഞു.
പ്രതിപക്ഷത്തിന്റെ ആശങ്കകള് കേള്ക്കുന്നതിലായിരിക്കും സര്ക്കാരിന്റെ പ്രധാന ഊന്നല് എന്നും അദ്ദേഹം പറഞ്ഞു.
ശീതകാല സമ്മേളനത്തിനായി പതിനാല് ബില്ലുകള് സര്ക്കാര് പട്ടികപ്പെടുത്തിയിട്ടുണ്ടെന്നും അവയെല്ലാം പ്രധാനപ്പെട്ടതും ആവശ്യവുമാണെന്നും കേന്ദ്രമന്ത്രി അനുപ്രിയ പട്ടേല് പറഞ്ഞു . 15 ദിവസത്തെ സമ്മേളനത്തില് എല്ലാ ബില്ലുകളെക്കുറിച്ചും സമഗ്രമായ ചര്ച്ചകള് നടത്താന് ശ്രമിക്കുമെന്നും എല്ലാ കക്ഷികള്ക്കും അവരുടെ അഭിപ്രായങ്ങള് അവതരിപ്പിക്കാന് അവസരം ലഭിക്കുമെന്നും അവര് കൂട്ടിച്ചേര്ത്തു.
പാര്ലമെന്റില് ചര്ച്ചകള് ഉണ്ടാകും, എന്നാല് തടസ്സങ്ങളൊന്നും ഉണ്ടാകില്ലെന്ന് ഞാന് പ്രതീക്ഷിക്കുന്നു: മന്ത്രി കിരണ് റിജ്ജു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.