ന്യൂദല്ഹി: ഡോ. മംഗളം സ്വാമിനാഥന് ഫൗണ്ടേഷന് പുരസ്കാരങ്ങള് സമ്മാനിച്ചു. വിവിധ മേഖലകളിലായി എട്ടു പുരസ്കാരങ്ങളാണ് സമ്മാനിച്ചത്.
ശ്രീദത്തോപന്ത് ഠേംഗ്ഡി സേവാസമ്മാന് പുരസ്കാരം മുന്കേന്ദ്രമന്ത്രിയും ട്രസ്റ്റ് രക്ഷാധികാരിയുമായ മുരളീ മനോഹര് ജോഷി, കേന്ദ്രസഹമന്ത്രി നിമുബെന് ജെ. ബംഭാനിയ എന്നിവരില് നിന്ന് ആര്ഷ വിദ്യാസമാജം സ്ഥാപകനും ഡയറക്ടറുമായ ആചാര്യ കെ.ആര്. മനോജ് ഏറ്റുവാങ്ങി. പ്രജ്ഞാപ്രവാഹ് ദേശീയ സംയോജകന് ജെ. നന്ദകുമാര് ഉപഹാരം സമ്മാനിച്ചു.
ദി ഇന്ത്യന് എക്സ്പ്രസ് ഡെ. എഡിറ്റര് ലിസ് മാത്യു, പിടിഐ ചീഫ് കറസ്പോണ്ടന്റ് ഉസ്മി അത്തര്, കേരളകൗമുദി ചീഫ് ന്യൂസ് എഡിറ്റര് വി.എസ്. രാജേഷ്, മാതൃഭൂമി ന്യൂസ് അസോ. എഡിറ്റര് ബിജു പങ്കജ്, ഹരിദ്വാറിലെ ദിവ്യപ്രേം സേവാ മിഷന് നിയാസ് പ്രസിഡന്റ് ഡോ. ആശിഷ് ഗൗതം, അമദ് ഗ്രൂപ്പ് ഓഫ് കമ്പനീസ് ചെയര്മാനും എംഡിയുമായ പമ്പാവാസന് നായര്, ഹരീഷ് കുമാര് നമ്പ്യാര് എന്നിവരും വിവിധ പുരസ്കാരങ്ങള് ഏറ്റുവാങ്ങി. ന്യൂദല്ഹി എന്ഡിഎംസി കണ്വെന്ഷന് സെന്ററില് നടന്ന ചടങ്ങില് ഭാരത് വികാസ് പരിഷത്ത് ദേശീയ സംഘടനാ സെക്രട്ടറി സുരേഷ് ജെയിന്, ബിജെപി മുന് ദേശീയ ജനറല് സെക്രട്ടറി പി. മുരളീധര്റാവു, ഡോ. മംഗളം സ്വാമിനാഥന് ഫൗണ്ടേഷന് സിഎംഡി ഡോ. ആര്. ബാലശങ്കര്, രാജേഷ് ആറ്റുകാല്, ഹേമന്ത് ഗോസ്വാമി, സോവിച്ചന് ചെന്നാട്ടുശ്ശേരി, പവന്കുമാര് എന്നിവര് സംസാരിച്ചു.
