രജനിയുടെയും, ധനുഷിന്റെയും ഛായ : യാത്ര അടുത്ത സൂപ്പർ താരമെന്ന് ആരാധകർ

ധനുഷിന്റെയും ഐശ്വര്യ രജനികാന്തിന്റെയും മൂത്ത മകൻ യാത്ര രാജയുടെ രൂപം വൈറലാകുന്നു . ഇത്തവണത്തെ ഗോവ ഫിലിം ഫെസ്റ്റിവലിൽ, ചലച്ചിത്ര രംഗത്ത് 50 വർഷം നീണ്ട സംഭാവനകൾ നൽകിയ രജനികാന്തിനെ ആദരിച്ചിരുന്നു. ഭാര്യയും മക്കളും പേരക്കുട്ടികളുമടക്കം സകുടുംബമാണ് രജനീകാന്ത് ചടങ്ങിനെത്തിയത്

ഭാര്യ ലത, മക്കളായ ഐശ്വര്യ, സൗന്ദര്യ, മരുമകൻ വിശാഖൻ വണങ്കാമുടി, പേരക്കുട്ടികളായ യാത്ര രാജ, ലിംഗ, വേദ് കൃഷ്ണ, വീർ രജനികാന്ത് വണങ്കാമുടി എന്നിവർ ഒപ്പമുണ്ടായിരുന്നു. യാത്ര, അച്ഛന്റെയും മുത്തച്ഛന്റെയും ഒരു മികച്ച സംയോജനമാണെന്നാണ് ആരാധകർ അഭിപ്രായപ്പെട്ടത്. 19-കാരന്റെ ചിത്രങ്ങളും വീഡിയോകളും ആരാധകർ ഏറ്റെടുക്കുകയും ചെയ്തു. ധനുഷ് ചടങ്ങിലെത്തിയിരുന്നില്ല.

യാത്രയെ കണ്ടാൽ ധനുഷ് തന്നെയെന്നും, തലൈവരുടെ സ്റ്റൈൽ ആണെന്നും , കുട്ടി ധനുഷ് എന്നുമൊക്കെയാണ് കമന്റുകൾ . ഭാവിയിലെ തമിഴ് സൂപ്പർസ്റ്റാർ എന്ന് പറയുന്നവരുമുണ്ട്.