ന്യൂദല്ഹി: ഇന്ത്യ ഇക്കഴിഞ്ഞ ത്രൈമസത്തില് 8.2 ശതമാനം സാമ്പത്തിക വളര്ച്ച നേടിയെന്ന് നാഷണല് സ്റ്റാറ്റിസ്റ്റിക്സ് ഓഫീസിന്റെ (എന്എസ് ഒ) കണക്ക്. 2025 ജൂലൈ മുതല് സെപ്തംബര് വരെയുള്ള ത്രൈമാസക്കണക്കാണ് വെള്ളിയാഴ്ച പ്രസിദ്ധീകരിച്ചിരിക്കുന്നത്. ഉപഭോഗം, നിക്ഷേപം, ഉല്പാദനം, ജിഡിപി തുടങ്ങി എല്ലാ മേഖലയിലും ഇന്ത്യ വന്വളര്ച്ചയാണ് രേഖപ്പെടുത്തിയിരിക്കുന്നത്.
കഴിഞ്ഞ ദിവസം ഐഎംഎഫ് (അന്താരാഷ്ട്ര നാണയ നിധി) ഇന്ത്യയെ സി ഗ്രേഡിലേക്ക് താഴ്ത്തിയിരുന്നു. ഇന്ത്യയുടെ ജിഡിപി, ജിവിഎ എന്നിവ ഉള്പ്പെടുന്ന നാഷണല് അക്കൗണ്ട്സ് സ്റ്റാറ്റിസ്റ്റിക്സിനെ ആണ് സി നിലവാരത്തിലേക്ക് ഐഎംഎഫ് തരംതാഴ്ത്തിയത്. എന്നാല് ഇതിനെ ശക്തമായി എതിര്ക്കുന്ന കണക്കുകളാണ് എന്എസ് ഒ വെള്ളിയാഴ്ച പുറത്തുവിട്ടത്.
കഴിഞ്ഞ സാമ്പത്തിക പാദത്തേക്കാള്, ഇക്കഴിഞ്ഞ 2025 ജൂലൈ-സെപ്തംബര് ത്രൈമാസ ജിഡിപി 7.8 ശതമാനമാണെന്നും അത് 2024-25 സാമ്പത്തിക വര്ഷത്തില് ജൂലൈ-സെപ്തംബര് ത്രൈമാസത്തിലെ ജിഡിപി വളര്ച്ചാനിരക്ക് വെറും 5.6 ശതമാനം മാത്രമായിരുന്നു .
സാമ്പത്തിക വളര്ച്ചയെ പ്രോത്സാഹിപ്പിക്കുന്ന നയങ്ങളും പരിഷ്കാരങ്ങളും കാരണം സ്വകാര്യമേഖലയിലെ ഉപഭോഗം 7.9 ശതമാനമായും സ്വകാര്യമേഖലയിലെ സാമ്പത്തിക നിക്ഷേപം 7.3 ശതമാനവും ഉല്പാദനം 9.1 ശതമാനവും ആയി ഉയര്ന്നിട്ടുണ്ട്. ഈ സാമ്പത്തിക വര്ഷത്തെ ആദ്യ ആറ് മാസം കണക്കാക്കിയാല് എട്ട് ശതമാനമാണ് സാമ്പത്തിക വളര്ച്ചയെന്നും എന്എസ്ഒ കണക്ക് സൂചിപ്പിക്കുന്നു.
