കൊച്ചി : രാഹുല് മാങ്കൂട്ടത്തില് എംഎല്എയ്ക്കെതിരെയുളള ലൈംഗിക പീഡന പരാതി നാടകമെന്ന് അഡ്വ. ജോര്ജ് പൂന്തോട്ടം. രാഹുലിന്റെ അഭിഭാഷകനാണ് ജോര്ജ് പൂന്തോട്ടം.
വാട്സാപ്പ് ചാറ്റ് രാഹുലിന്റേതാണെന്ന് എന്ത് ഉറപ്പാണുള്ളത്. ശബരിമല വിഷയത്തെ ഒതുക്കി തീര്ക്കാനുള്ള നാടകമാണിതെന്നാണ് അഭിഭാഷകന്റെ പക്ഷം. ഇപ്പോഴത്തെ സംഭവത്തിന് പിന്നില് രാഷ്ട്രീയ താത്പര്യങ്ങളാണെന്നും അദ്ദേഹം പറഞ്ഞു.കൊച്ചിയില് മാധ്യമപ്രവര്ത്തകരോട് സംസാരിക്കുകയായിരുന്നു അഭിഭാഷകന്.
മുഖ്യമന്ത്രിക്ക് നേരിട്ട് പരാതി ലഭിച്ചിട്ടുണ്ടെങ്കില് അതില് അസ്വഭാവികത ഉണ്ട്. മുഖ്യമന്ത്രിക്ക് ഡി ജി പിയുടെ അധികാരമുണ്ടോ ? എന്തുകൊണ്ടാണ് പൊലീസില് പരാതി നല്കാതിരുന്നത്? പരാതി നല്കേണ്ടത് പൊലീസ് സ്റ്റേഷനിലാണ്. പരാതി എന്താണെന്ന് അറിയണം. ഏത് കാലത്ത് നടന്ന സംഭവമാണിത്. ഇതുവരെ ഇല്ലാത്ത പരാതി ഇപ്പോള് ഉന്നയിക്കുന്നത് എന്തിനാണ്. ക്രൈംബ്രാഞ്ച് അന്വേഷണം തുടങ്ങി മൂന്ന് മാസം ആയിട്ടും എവിടെയും എത്തിയില്ലെന്നും അഭിഭാഷകന് പറഞ്ഞു. മുന്കൂര് ജാമ്യാപേക്ഷ ഹൈക്കോടതിയില് ആണോ ജില്ലാ കോടതിയില് ആണോ നല്കുക എന്നത് പിന്നീട് തീരുമാനിക്കും. രാത്രി എഫ്ഐആര് രജിസ്റ്റര് ചെയ്താല് ഉടനടി നടപടികള് ഉണ്ടാകുമെന്നും ജോര്ജ് പൂന്തോട്ടം വെളിപ്പെടുത്തി.
