കണ്ണൂര് : പയ്യന്നൂര് ബോംബ് ആക്രമണക്കേസില് കോടതി ശിക്ഷിച്ച വി കെ നിഷാദിന് വേണ്ടി ഡിവൈഎഫ്ഐ സജീവ പ്രചാരണത്തില്. ഡിവൈഎഫ്ഐ കണ്ണൂര് ജില്ലാ പ്രസിഡന്റ് മുഹമ്മദ് അഫ്സല് സംസ്ഥാന കമ്മിറ്റി അംഗങ്ങളായ മുഹമ്മദ് സിറാജ്, പി പി അനീഷ് തുടങ്ങിയവര് നിഷാദിന് വേണ്ടി പ്രചാരണം നടത്താനെത്തി.
പയ്യന്നൂര് നഗരസഭയിലെ 46ാം വാര്ഡിലാണ് നിഷാദ് മത്സരിക്കുന്നത്.ബോംബ് ആക്രമണ കേസില് തളിപ്പറമ്പ് അഡീഷണല് ജില്ലാ സെഷന്സ് കോടതി വി കെ നിഷാദിനെ 20 വര്ഷം തടവിന് വിധിച്ചിരുന്നു.കഴിഞ്ഞ ദിവസമായിരുന്നു വിധി വന്നത്.എന്നാല് സ്ഥാനാര്ത്ഥിയാകുന്നതിന് പ്രശ്നമില്ലാത്തതിനാല് നിഷാദിന് മത്സരിക്കാം. വിജയിച്ചാല് ജനപ്രതിനിധിയായി തുടരാന് ശിക്ഷാവിധി തടസമാകും.
2012 ആഗസ്റ്റ് ഒന്നിനായിരുന്നു സംഭവം. അരിയില് എംഎസ്എഫ് നേതാവ് ഷൂക്കൂറിന്റെ കൊലപ്പെടുത്തിയ സംഭവത്തില് സിപിഎം നേതാവ് പി.ജയരാജനെ പൊലീസ് അറസ്റ്റ് ചെയ്തതില് പ്രതിഷേധിച്ച് നടന്ന പ്രകടനത്തിനിടെയായിരുന്നു ബോംബെറിഞ്ഞത്.
