ന്യൂദൽഹി: 26/11 മുംബൈ ഭീകരാക്രമണത്തിന്റെ വാർഷികത്തിൽ കൊല്ലപ്പെട്ടവർക്ക് ആദരാഞ്ജലികൾ അർപ്പിച്ച് കേന്ദ്ര ആഭ്യന്തര മന്ത്രി അമിത് ഷാ. തീവ്രവാദം ഏതെങ്കിലും ഒരു രാജ്യത്തിന് മാത്രമല്ല, മുഴുവൻ മനുഷ്യരാശിക്കും ഒരു വിപത്താണെന്നും ആഭ്യന്തരമന്ത്രി തന്റെ എക്സ് അക്കൗണ്ടിൽ പറഞ്ഞു
“ഈ ദിവസം, ഭീകരർ മുംബൈയിൽ ഒരു ഭീരുത്വം നിറഞ്ഞ ആക്രമണം നടത്തി, അത് ഭയാനകവും മനുഷ്യത്വരഹിതവുമായ പ്രവൃത്തിയാണ്. മുംബൈ ഭീകരാക്രമണത്തെ ധീരമായി നേരിടുകയും ആത്യന്തിക ത്യാഗം ചെയ്യുകയും ചെയ്ത ധീരരായ സൈനികരെ ഞാൻ അഭിവാദ്യം ചെയ്യുന്നു.” – അദ്ദേഹം പറഞ്ഞു.
ഇതിനു പുറമെ തീവ്രവാദം ഏതെങ്കിലും ഒരു രാജ്യത്തിന് മാത്രമല്ല, മുഴുവൻ മനുഷ്യരാശിക്കും ഒരു വിപത്താണെന്ന് ആഭ്യന്തരമന്ത്രി പറഞ്ഞു. തീവ്രവാദത്തിനെതിരായ മോദി സർക്കാരിന്റെ സീറോ ടോളറൻസ് നയം വ്യക്തമാണെന്നും ഇന്ത്യയുടെ തീവ്രവാദ വിരുദ്ധ പ്രവർത്തനങ്ങൾക്ക് ലോകം മുഴുവൻ പിന്തുണ നൽകുകയും പ്രശംസിക്കുകയും ചെയ്യുന്നുണ്ടെന്നും അദ്ദേഹം കൂട്ടിച്ചേർത്തു.
